قصتي باختصار
من تخرجت من الجامعه واهلي يضغطون علي بالزواج اذا جاء اي خاطب يضغطووووووووووووون على بالكلام عشان اوافق الي يقولي انت عانس الرجال خلصو البنت تتمنى اي رجال والي يقولي انت شينه وانا يشهد على الجميع اني حلوه وما اروح اي مكان عام الا كلن يمدح فيني واخواني ذبحوني عند حريمهم تبين تقعدين عند حريمنا تتهاوشين انت وياهم وذبحوني عند حريمهم مهما تقلل ادبها الوحده انت يالاخت مجبوره تبلعينا وتسكتين ولا بتصيرين انت الغلطانه وانت السوسه وانت الحسوده وانت الحقوده وهي يا عمري عليها ضعيفه مسيكينه وملاك منزل من السما ومره اخوي قالي بعظمة لسانه اي شي تشوفينه من زوجتي تحمليها عشاني!!!! وهي ليش ما تحترمني عشانك
ومهما تقصر في حق امي ما لك دخل حتى لاتقولين لامي شيالمهم استمر الضغط 3 سنين ودخلت على اثنين من الرجال بشوفه الشرعيه مغصوبه وواحد اتفقو معه على الملكه لاكن الحمد الله انه راح من نفسه لانه عرف من وجهي اني مغصوبه والرجال طيب وكل بنت تتمناه هم تحسفو فيه لاكن انا من شفته نفرت منه وانا ما ابيه لحد ما جاني وواحد وارتحت له من اول ما شفته وملكت عليه لاكن في ايام الملكه بدى يقرصني قلبي لحد ما مره شرشحني قبل الزواج ب 3 اسابيع قلت له روح لاخوي وقله اني انا ما ابي بنتكم
لاني كنت خايفه من ردت فعل اخواني وامي لاكنه رفض وسوى نفسه طيب لحد الزواج وبعد الزواج بشهر طلع على حقيقته وبدا يمارس معي اشد انواع القسوه واللعانه والظلم ضرب طرد حرمان من كل شي احبه ويطردني من بيتي ويكلم اخواني واخواني يجون يهاوشوني مره ويقوفون معي مره ونفس الكلام يتكرر انت من زينك انت تبين تتطلقين عشان تجلسين عند حريمنا تتهاوشين معهم وجلست معه اربع سنين وعندي طفلين منه المشكله الاعظم ان الي طحت فيه مرررررررررررررره بار بخواته وببنات خواته واخواني العكس ويضربني ويشرشحني عشانهم صرت اخاف منهم مره اذا جيت عندهم ما اتكلم اخاف يمسكون علي شي واغاااااااااار منهم اذا رحت لرجلي قلت ليتني اخته مو زوجته عشان يبر فيني واذا رحت لاخواني واهلي قلت ليتني مرت ولدهم مو بنتهم
لاكن الحاجات الايجابيه فيهم انهم كل الي استقبلوهم كانو كويسين ما فيهم عيوب كبيره الا واحد ودخلوني عليه غصب ومره من كثر ما ملو اني كل شوي جايتهم مطروه ومضروبه طلبو الطلاق منه بشكل رسمي غير كذا هم الله معطيهم فا موفرين لنا سواق حنا وامي مع وحده من زوجاتهم لاكن طبعا هي ابدا اذا طلبته خلاص ما نلمسه
وامي احبها وتحبني لاكن نظرتها للزواج زي القديمين انو تزوجي اي رجال عشان بس تجيبين عيال واصبري على جحيمه عشان تجمعين عيال ودايم تقولي جيبي سته وتطلقي
ابي وحده حكيمه ترد علي هل انا حساسه لاني بديت احقد على اخواني وامي وكل ما اشوفهم مبسوطين ويسافرون ويتمشون مع حريمهم وخيرهم يزيد اغار قلت حاسو حياتي وهم عايشين حياتهم ولاهم دارين عندي هل فعلا هم غلطانين ولا هذا الشيطان يبي يفرق بيننا احيانا اقول هذا كله خوفا علي واحيانا اقول يبون يفتكون مني
وملاحضه تزوجت وانا عمري 25من تخرجت لي سبع سنين اعاني من هالشي
والحن انا عند اهلي زعلانه لانه طردني برمضان لاني نزلت لخالتي بوقت الفطور وانا افصخ عبايتي هي دخلت اتصلي وجلس يومين يهاوشني صراخه يسمعه الي باخر الشارع انو ليش ما سلمتي على امي وطردني وانا وحامل وواصله وعلى وشك ولاده وجا اخذني من بكرى لاكني انا زعلت وطلعت من بيتي بعد اسبوعين من المشكله يوم شفت انه ما تاسف لي ولا عبرني وغير كذا ما يبي يتحمل مسؤليتنا يبي يركن كل شي على راسي ودايم يقولي مثل ما انا خدوم مع خواتي ليش اخوانك ما يخدمونك يبي يرمي حمل المسؤليه على وعلى اخواني وهو بس يبي الفراااااااااااااااش
وانا الجين لي شهرين زعلانه وهو ما عبرنا ولا جا وكلمته اختي تفاهمت معه قال خليها ترجع للبي وبدى صفحه جديده مع العلم انو مشكلة انه مو جديده عليه تتكرر كل شهر على سخافات مثل ليش تاخرتي على ....اختي ليش سلمتي على اختي وانت جالسه...... الخ
واهلي يحاولون فيني ارجع ويقولون صيري غنمه له واتركي العناد والزعل اذا هاوشك لاتزعلين خليك دايم مبتسمه ومع الوقت يتغير مع ان حريمهم يتزعلون علينا على اشياء سخيفه ومقصرين يحق امي ومع ذالك عايشين بدلع سفريات وخدم وحشم وماراكات وانا اذا طردني عشاني بس تاخرت ما سلمت على امه حطو الوم علي وانت غلطانه وانت فيك وفيك وفيك!!!!!!!!!!!!!!
بنات افهمو انا ابي حل مع اهلي مو رجلي
اااامين اامين