وش اسوي مع حماتي من جد تعبت نفسيتي

بنااااااااااااااات عالم حواء لحقو علي بيجيني ضغط وسكر وطاعون وكل امراض الدنيا من تصرف حماتي
حماتي انسانه مره طيبه وماجاني منها الا كل خير والحق ينقال بس الله يهديها اذا بغت حاجتها جتني تركض بس اذا مالها حاجه عندي ولا كاني موجوده ابد
يعني مثلا الفتره الي راحت هي ماخذه دورة حاسب وماتعرف شي بالحاسب ابد ابد ابد فجت لي اساعدها تقريبا كل يومين او يوم وترك تجيني وتقعد 3 ساعات وبعض الاحيان ساعتين وطبعا لازم تجيب احد من عيالها ويعفس لي الدنيا عادي ماقلنا شي ومره ولدها قطع الشاحن حق لابتوبي قدامها بس قالت له تادب وقوم اقعد بعيد ولا سالت بالشاحن ولا قالت اعوضك ولا شي ورحت اشتريت لي واحد ب220 ريال ومره كان عندها زواج صديقتها وانا اعرف احط مكياج واستشور ودقت علي قلت لها عادي تعالي وجات وقلت لها ماعليش بس نخلص نظفي معاي المكان لانه علب المكياج صارت بكل مكان ومن استشوار الشعر الشعر صار علي الارضيه وكلنكس وعفسه قالت ماعليه ويوم خلصت شغلها طلعت ولا نظفت معاي والي قهرني بجد قبل يومين تبي تجي عشان اعلمها للحاسب اتصلت علي وانا مريضه قلت لها تعبانه وانا بالمستشفي هالكلام كان الساعه 7 المغرب قالت بس ترجعين البيت دقي علي بجيك ولا حتي قالت سلامات وش فيك او عذرتني تعبانه طبعا من القهر رجعتي البيت مادقيت عليها طنشتها لا ورجعت دقت الساعه 10 قالت اذا جيتي بجيك قلت لها اسمحي لي تعبانه مااقدر وسكرت
بالله عليكم هذا اسلوب حتي ماتقول وش فيك لا واذا رحت بيت اهل زوجي وهي هناك تقعد تشاهد او تسولف بالجوال ولا كاني موجوده واذا جت وحده من بره بنت عمها بنت خالها قامت تركض لها يعني ليه طيب انا طول عمري اخدمها ماابي مقابل وربي بس علي الاقل ابيها تقدرني لو يوم بالشهر تشيل السماعه كيفك يافلانه بس ماابي اكثر بس لا حياه لمن تنادي
وانا مااقصر معها ابد ومره كنت في بيت اهل زوجي وهي طالعه للسوق قلت لها اشتري لي سيريوم للشعر حقي خلص قالت اوكي وبعد كم يوم يوم جات لي تذاكر سالتها قالت نسيت ماجيتي علي بالي وش معني اجي علي بالها الي شغلها ومصلحتها بس حتي هدايا تهدي الجميع الا انا وبدون مناسبات وانا عمرها ماعطتني شي ابد حتي اذا رحت لها بيتها تضيفني عصير وبس ومره رحت وهناك سلفتي وشوفو الضيافه كيف مافي شي مو موجود عصير وقهوة وشاهي وشكولاتات وحلا وتمر وكنافه لهدرجه انا طايحه من عينها والله شككتني بنفسي اني مسويه شي غلط بس انا عارفه ماعمري قصرت معها وهذا الي قاهرني
حبيت اخذ رايكم كيف اتصرف معها هي طيوبه بس تقهرني بحركاتها انا افكر اني اطنشها وماعاد اخدمها ابد ابد ابد واخلي علاقتي معها عاديه جدا لانه كثير اضغط علي نفسي عشانها بعض الاحيان يكون عندي مشوار والغيه اقول حرام ماخذه دورة وخسرانه فلوس بعلمها بس مايبيان فيها ابد
تكفووون شورو علي وش اسوي لاني معصبه مره وابي احد يقول لي وش اسوي خايفه انفجر من الضغط واغسل شراعها ماودي اتخانق معها بس جد قهرتني ياريت الي عندها حل لا تبخل علي فيه ولا تنسون تدعون لي بالذريه الصالحه يابنات