وش اسوي مع خطيبي ؟ تعبت اخبي بقلبي ساعدوني

السلام عليكم ورحمة الله
بنات حواء احتاج مساعدتكم في مسأله تخص خطيبي
تعبت اداري الموضوع واقول بينسى او اني انا مبالغه او انا حساسه بس احس الموضوع زاد عن حده

وانا مو ناقصه تعبت منه .. المشكله تعلقت فيه والله ماتصور حياتي بدونه
انا تملكت من قبل سنه تقريبا وباقي على الزواج سنتين لين ماخلص جامعه وهو يستقر بشكل اكبر

المشكله مو هنا
هو طبيعي يزورنا كثير وعلى كلامه يحبني وانا احس انه يحبني باهتمامه ومكالماته لي كل يوم
وولاينام الا لين مايتطمن علي انا وصلت لمرحلة ماتصور حياتي بدونه

المهم في فتره تصارحنا انا وهو عن ماضينا
واني انا كنت احب ولكن ولله الحمد نسيت وعاد يعنيلي شيء الماضي ونسيته ..
وهو نفس الشي كان حب طفوله والي يحبها تقربله وسبب انفصالهم انه ابوها زوجها غصبا عنها لشخص ثاني والا هي كانت تبيه وهو يبيها ويحبون بعض كثير

انا يمكن ماهتميت للموضوع كثير لانه بمصارحتنا هذي اننا بنبدا بدايه جديده
انا وهو وبس بدون ماضي ..

مرت الايام وانا اعرف المواقع الي مسجل فيها فادخلها بدون مايدري واشوف مشاركاته
اغلبها يحط اغاني تذكره فيها اغاني كان يقولي انه تجمعه فيها

انا اذا شفتها كذا مدري وش يصير فيني .. طيب وانا ؟ خطيبتك ؟
طيب هو يقولي والله احبك ولا ابي غيرك وكلام واجد احيان يكلمني يسمع صوتي متغير يقولي وش فيك ؟
اقوله ابي اعرف من ساكن قلبك ؟
يقولي مافي غيرك
اصدقه والا لا ؟ والمشكله قبل هالمكالمه اكون شايفه مشاركته

في مره تعبت منه وانهرت قلتله انت للحين تبيها مو قادر تنساها
قالي والله مابيها وفيه الي يجي بدالها وانتي بدالها والخ
وش اسوي تعبت من هالموضوع .. والمشكله بعد انها تقربله امها دايم تجيهم وتقولهم اخبارها بحكم زواجها وانها جابت اطفال وكذا
احسه يقولي عنها بحسره ..تعبت من التفكير وشلون بتكون حياتي معه بعد الزواج
وهل بتحمل اشوفها !!

تعتقدون للحين يحبها ؟ طيب ليش متمسك فيني
معقوله يحاول ينساها فيني
وش اسوي :( والله ماقدر اتركه وافركش الخطبه ماتحمل غيابه .. حبيته كثير
لكن ماقدر اتحمل اشوف هالحاله احس بنار اذا حسيت مجرد احساس بس انه يفكر فيهاا

دلوني وش الحل وش اسوي اصارحه مره ثانيه والا وش الدبره