وش اسوي مع زوجي حيرني

كيفكم يابنات ان شاء الله كلكم بخير
يابنات انا تعبت مع زوجي ولا عارفه كيف اتصرف معاه ابي نصيحتكم
انا متزوجه من 4 سنين ومعاي ولد ربي يخليه لي السالفه ومافيها اول ماتزوجت زوجي يموت علي والي اليوم يموت علي ويحبني ويحاول يرضيني باي طريقه وكان مقتنع فيني كثير ومايسميني الا قمر وتجنني وربي رزقني بزوجه جميله والكل من اهله والناس يمدحوني وهو اكثر واحد يمدحني ويوم شافني اول نظره شرعيه وربي انه شهق انا مو ملكه جمال بس الكل يقول جميله وهو يحب مواصفاتي مره ويمدح كل شي فيني
ورغم اني حملت وخلفت لكن ماتغير شي طلع لي كرش صغيرون مره ماينشاف حتي ثيابي نفس مقاسهم يعني لا متنت ولا تغيرت ابد وزوجي بيتوتي وانا اموت بالطلعه ومااخلي مكان مع اهلي يوم اني بنت فغيرته وصرنا نطلع ونسافر وحتي لو مانقدر ماديا او عمله مرتبط نطلع للبحرين يوم نغير جو ومن صرنا نطلع وزوجي يشوف هالحريم المتبرجات واحس نظرته لي تغيرت يوم يقول لي انتي متينه شويات اضعفي مع انه وزني 56 يقول لا شوفي العارضات يعني يبي وزني بالأربعينات ويوم يقول لي اصبغي شعرك اشقر فاتح ويوم يقل لي انيت جميله بس لو تسوين تجميل بخشمك يالله حسسني اني قمه القباحه مع انه الكل يمدحني وقدامه بعد بس هو ماعاد شايفني مثل اول وش اسوي هل ارجعه مثل قبل ونجلس بالبيت ولا نسافر ونروح ونجي عشان لا يشوف الحريم ويقارني فيهم او كيف اتصرف انا واثقه من نفسي بس هو تغير وماعاد شايفني جميله مثل قبل وانا مو مقصره باهتمامي بنفسي وحتي قررت اسوي رجيم واضعف واوصل لوزن 45 عل وعسي اعجبه وش اسوي انصحوني والله تعبت
وشكرا لاختي صاحبه المعرف ربي يجزاك كل خير ولا تطنشون موضوعي يابنات وربي اني بهم كبير وخايفه بيوم زوجي يتزوج او يروح لبنات الحرام مع انه مايحب الحرام ولا يقرب له بس الشيطان شاطر