وش اسوي مع عمتي ام زوجي

اختي بورطه مع زوجها :arb: وماتدري شنو تسوي وانا اصغر منها وما عندي خبره ..

..

اولا هي ماتبي تعود عمتها على انها تشتغل بالمطبخ .. وهم قبل لا ياخذون اختي كانت الخدامه هي راعية البيت حتى في الطبخ ..

ومن يوم ماجت اختي لبيتهم .. عمة اختي قالت للخدامه مالك شغل بالغدا .. هي تسويه قصدها على اختي ..

وطبعا اختي ماتبي تعود عمتها على انها تدخلها المطبخ على طول فماتدخله غير لما تشتهي ..

ومره قالت لاختي تسوي الغدا .. وقعدت قدام المطبخ علشان تشوفها .. اختي قالت اوكي بتطبخ هاليوم ..

قالت للخدامه تسوي بصل قالت الخدامة بصوت واطي ماما يقول انا مافي يسوي شي .. انتي يسوي حتى بصل وثوم :09:

..

فاختي تعوذت من الشيطان وسويت الغدا كامل ..

واليوم الثاني قفلت على روحها بغرفتها على شان ماتشوفها وتقولها اطبخي اليوم .. طبعا اختي معروفه بالطبخ الزين .. في بيتنا وكانت هي اللي تسوي الذبايح .. ببيتنا طبعا .. بس ماتبي تعود عمتها على انها تدخل المطبخ .. لان اختي اللي اكبر منها عمتها تعودت على انها تسوي الغدا والعشا .. كل يوم وماحد يساعدها مع العلم ان في ثلاث بنات كبار بالبيت ومايدرسن ..

..

وزوج اختي اللي قاعد اشكيلكم حالها .,. مايسوي شي الا ويقول لامه .. حتى لما تروح للمستشفى تراجع يقول لامه .. وان كانت مو موجوده لقول لاخته تقولها :eek:

ودايم هو يا قاعد عند امه يا على التلفزيون وبالليل يتذكر اختي ويجي يقابلها ..

ولما يرجع من الدوام تقوله يعطيك العافيه يردلها .. تقوله عسى ماتعبت سولف لي اليوم صار شي .. يقول لا مافي شي جديد .. ولما يروح للماما تبعه يقولها كل شي صار بالدوام ومايخلي .. وملتسمعين الا صوته ..



واختي مره كانت تبي تساهم .. اخذت من ابوي 2000 ريال .. وعطتهن رجالها .. واليوم الثاني جا يقولها صرفت الالفين .. اصبري علي اجمعهن واردهن لج .. وصارله تقريبا شهرين وماله نية يردهن للحين .. ومره عطته 5مية ريال قالت حولهن بالبنك لاهلي .. اخذهن ومارداهن وذهبها بعد الخبله باعته وعطته الفلوس ومارداهن .. الموووووهم اكتشفت انه نصاب .. ومايرد الفلوس :eek:

ومره قرت ورقة في رصيده بالبنك الموهم مبلغ كبير جدا .. قالت له من وين لك هالمبلغ قال مو فلوسي فلوس واحد من الربع :(

الاكيد انهن فلوسها (( فلوس ابوي الالفين والخمسمية حقاتها وفلوس الذهب )) ..

وتخيلو هي من قبل لاتتزوج وهي راعية كمبيوتر ونت .. الحين مايخليها تقعد عليه الا شوي .. وهو دايم لما تكلمه مايرد عليها اذا كان قاعد على التلفزيون .. وهو بطبيعته مدمن تلفزيون وافلام .. وهي اذا طنشته دقيقه على النت يفصل النت .. ويهاوشها ..

وتقول مره ضربها لانها قاعد على النت ..

الموووووووووووووووهم ..

انا صدعت راسكم ..

مع العلم انها تقريبا صارلها اربع شهور من زواجها .. وهو اختارها حبا فيها من ايام الطفوله .. لانه يصير ولد خالتي .. <<<<<<<<خالتي اللي كنا نحسبها طيبه .. طلعت شريره <<< الله يهداها ..

ولها حموات 2 يدرسن وحده بالكلية ووحده بالمدرسة

وهي بالسعوديه يعني بعيده عنا احنا اهلها بالكويت .. لكن اختي الكبيره عندها بالسعوديه لكن بمنطقة بعيده عنها ... لكن اهيا اقرب مالها بيت خوالي وبيت جدتي

ها وش رايكم ..

اتمنى انكم ماتبخلون علي بارائكم .. لانكم راح تحلون مشكلة زوجيه تكاد تتفاقم وتتفجر ..

حتى اختي بدأت تكرهه من سوالفه الشينه ..

:( انتظر حلولكم ..