وش اسوي مع هالبنت اللي جنننتني

مرحبا بنات
عندي مشكلة وودي تساعدوني بارائكم واقتراحاتكم
مشكلتي
بنتي عمرها ١٧ سنة فيها برووود يابنات عجيب واللامبالاة
راح اتكلم بالتفصيل
ماتتفاعل ابدا بأي حدث كل شيء عندها سواسيه
الصلاة اشك انها ماتصلي لاني اذا سالتها قالت صليت
وبعض الأوقات اتركها اشوف تقوم تصلي ماتقوم الا اذا قلت لها
ولو نسمع مقطع اومحاضرة بالعادة الواحد يتحمس وويتفاعل هي ماكأنها سمعت شيء
والشيء الثاني اذا تعبت ماتبادر لمساعدتي على اخوها الصغير لازم اقولها وتأفف وكاني ذابحت لها احد
ولاقد اخذته عني او شالته بس تصوره وتمشي
هي ماشاءالله شاطره في دراستها
وهادية مررررره وضعيفة شخصيتها
ماادري وش اسوي فيها
نسيت نقطة مهمه
مهملة يابنات نفسها بشكل ماتتصورون لاتهتم لاللبس ولامكياج ولانظافة
وغرفتها لو تشوفنها تنصرعون الكتب مرمية بالأرض
وملابسها معفسة بالدولاب الوسخة مع النظيفة
مع ان غرفتها غالية بس ماجابت خبر
وانقهر على ملابسها وفساتينها تخربهم بالتعفس والرمي
حاولت مليون مرره مافاد
اخذت منها الجوال وعاقبتها ماتطلع من غرفتها لين تنظفها كله واحد
تكفووون ساعدوني