وش اسوي مع هالزوج اللي مايخاف الله

زوجي اذا كان راضي طيب ومايقصر ابدا ولايرفض لي طلب بس اذا زعل اسلوبه يصير واحد ثاني ومافي اهانه مايسويها بحقي يطردني من البيت يقولي روحي بيت اهلك يتفل بوجهي ينام لوحده ويحرم مااطلع من البيت شهر كامل حتى اهلي يحرمني منهم هذا غير الالفاظ الجارحه والوصخه اللي يقولها وبعدها يرجع يعتذر ويراضيني تعبت من اسلوبه لانه احيانا يكون هو غلطان ومايعتذر الابعد مايسوي كل الاهانات هذي ....
امس تجادلنا بالكلام وقالي ابيك اذا نزلتي لاهلي ماتخرجين من مطبخهم قلت ليش قال كذا مابي امي وخواتي يمسكون شي قلت معليش انا وسلفاتي دايما ننزل بقهوتنا سوى وبعدها نروح بيوتنا ليش مااجلس معاهم اجلس بالمطبخ ماني خدامه انا مو مقصره واذا نزلت نتساعد كلنا اما اقوم بكل شي انا لوحدي لا ...
زعل وتكلم علي وحلف ماطلع من البيت الا بعد شهر وانا ماهمني كلامه وتهديده بس بكره عندي موعد اشعه لازم اروح احتمال عندي ورم وان مارحت بجلس شهور انتظر موعد ثاني وش اسوي مو راضي يطالع حتى بوجهي وحالف مايوديني واهلي مستحيل اطلبهم لانه المستشفى بعييييد جدا بمنطقه ثانيه ماقدر اهين نفسي له واعتذر وهو اللي غلط وفوقها قلل احترامه من امس ابكي يارب فرجها من عندك