وش اسوي مع هدي الادميه؟؟؟؟؟؟؟؟؟؟؟؟؟

السلام عليكم ياحوائيات بصراحه عندي مشكله فاقعه قلبي ابحكيها لكم وانتوا احكموا ايش اسوي ........


من كم شهر دق باب الشقة وانا لحالي زوجي كان في الدوام رحت عند الباب وحصلت بزوره يبكوا فكيت الباب >>>>>>>>>>رغم ان زوجي منبه عليا مافتح لغريب حتى لو من الجيران
المهم فكيت الباب وسالتهم ايش فيه قالوا لي ماما تعبانه وبابا مسافر وماعندنا احد قلتلهم فين ماما قالوا في البيت طايحه لبست عبايتي ورحت على شقتهم جري وكنت وقتها حامل في الشهر الرابع دخلت الشقه كانت ظلام واول مادخلت قابلتني شغاله حبشيه انا خفت حسيت اني حصقط من الخوف دخلت الصاله لقيت امهم نايمه على الكنبه قربت منها وقلت سلامات ايش حاسه فيه قالت انا عندي ربوا وحاسه اني مكتومه طبعاً كل هدا وانا لسى ماشفت وجهها قلتلها فين علاجك قالت خلص وبعدها من طريقة كلامها معايا خفت اكتر وقلتلها دقايق واجيكي ورجعت جري على شقتي حتى نسيت اني حامل من الخوف.........
دقيت على زوجي اداني بيزي يعني مشغول وشوي ويدق هدي الحركه دايم يسويها في الدوام
المهم جلست مع نفسي افكر كيف اساعدها المسكينه مالها احد........وانا مع نفسي دق الباب مره تانيه ورحت اشوف حصلتهم البزوره فكيت الباب ودخلوا غلى طول الشقه بكل وقاحه انا قلت في نفسي عااااادي اطفال واشكالهم بصراحه تقطع القلب رحمتهم هما3بنات وولد تقريباً8سنين والبنات وحده عشر سنين ووحده سبع والصغيرهسنتين
قال ليا الولد ماما تقولك اديها فلوس عشان ناخد تكسي يودينا المستشفى وتقول لك خليها مية ريال
قلتله انا ماعندي شي دحين استنى زوجي يجي قال طيب بروح اكلم ماما راح ورجع قال ماما تقول اديها ميتين عشان بتروح عند جدتي بعد المستشفى
:confused: وقتها استغربت كل هدا للتكسي؟؟؟؟؟؟؟؟
بدأت وقتها اشك فيهم خصوصا وهوا كل شويه يرفع الفلوس والبنات فالين في الشقه وسخوها وخلوها زباله وانتوا بالكرامه
انا عصبت وصرت اصرفهم ....تعرفوا كيف مزاج الحامل.........:angry2:
قلت روحوا شوفوا ماما لاتكون تعبانه ولوحدها ردت البنت لالا فاطمه عندها>>>>>>>>الشغاله الحبشيه.
المهم انا طفشت الواد راح وشغل السوني 3 اللي بمجلس الرجال وجلس يلعب
والبنات دخلوا الصاله وطلعوا الاكس بوكس ويقولوا ليا يالله شغليه خلينا نلعب:eek:
قلت لهم مافي سيدهات بصراحه فيه بس كلها +18 ومستحيل اخلي اطفال يشغلوها
عصبت البنت الكبيره ودخلت غرفه الاستقبال وحصلت كوكو>>>>البغبغاء حقي وجلست تأذيه والمسكين صار يزعق
وهيه على بالها يلعب طردتها من الغرفه وهربت على غرفه النوم انا لحد هنا وخلااااااااااص كان نفسي اتجرأ واضربها بس المصيبه انها طفله ومااقدر.....
وجاااااااني الفرج وقتها جاء زوجي وافتكر ان وحده من صحباتي عندي وهدولا اولادها دخل المجلس لقي الواد يلعب بالسوني3 حقوا وعصب لان زوجي في الاجازه يلعب اونلاين ويسيف اللعب عشان يكمل في الاجازه الجايه والواد مسح كل التسييف.......
حشيت المجلس سالني اشفيه جيت سلمت عليه كالمعتاد وجلسنا عشان اقوله الهرجه ومين هدولا حصلت الواد يتنصت علينا سحبت زوجي على غرفه النوم وحكيت له الهرجه من طقطق لسلام عليكم.......
قلي كم يبغوا قلت له عطيني ميه هما يبغوها للتكسي قالي ميه للتكسي ايش معانا قلت انت اعطيني الحين وبعدين يصير خير.....
اخدت الميه واديتها الواد رد عليا بكل وقاحه بس قلتله ايوه بس قال هدي ايش تسوي؟؟؟؟؟؟؟
زوجي سمع وقاحته وطلع له معصب قال انت فين ابوك قال ابويا عند مرته التانيه............
انا انجلطت وقتها قلت انت ماقلتلي ان ابوك مسافر عنده شغل وان له اسبوع وفلوسكم خلصت؟؟؟؟؟؟
قال ايوه ورجع بس ماجانا راح بيته التاني
زوجي قال له خلاص روح البيت يمكن امكم تبغاكم قالت البنت الصغيره لا ماما تكح عشان الدخان حقها
زوجي طل مصدوم البنت الكبيره سحبتها وطلعوا,,,,,,,,,,,
وبعدها استلمني زوجي اول ماراحوا انتي كيف تغامري وتطلعي من البيت :angry2: ووووووووو,,,,,,كان معاه حق
المهم اليوم التاني في الصباح دقوا البزوره طلع زوجي لهم قالوا له نبغى فلوس........
قال زوجي ليه قالوله مااكلنا شي ماعندنا شي في بيتنا قالهم كم تبغوا قالوا 50 ريال واداهم زوحي
العصريه دقوا وزجي كان مداوم كسرو الباب بالنهايه طفشت ورديت من غير مافك الباب قال ليا الولد ابغى السوني3 ابغى العب اعطيني اياه قالت له ماعندي مفتاح الباب وراح واول ماجاء زوجي كان يستناه تحت عند مدخل العماره
وطلبوه وزوجي رفض
المهم صاروا كل يوم لى هدا الموال مره فلوس ومره اكل ومره سوني ومر كوكوالبغبغاء
لمده شهرين على هدا الحال زوجي يطردهم وهما يزيدوا
وطول الفتره هدي زوجي مبتلي فيهم اما انا صرت ماارد على الباب حتى لو انها صاحبتي بتدق الجرس
ومت الايام واكتشفنا من سكان العماره ان امهم مطلقه وزوجها رامي العيال عندها ومايخدهم الا مره في الاسبوع
المهم مررررت فتره طويله واختفوا3شهور دق الجرس مره وطلع زوجي ولقي الشغالهالحبشيه تتذكروها
قال لها نعم اعطته ورقه فيها رقم وقغلت له جوال مدم يضيع انت دق على رقم عشان نحصله
قفل الباب في وجهها واعطاني الورقه وقال لي الهرجه
اخذت الورقه ودقيت من جوال على الرقم وردت على طوال خلاص خلا خلاص حصلت جوالي وقفلت من غير ماقول حرف اوتسمع مني كلمه على بالها انو رقم زوجي وصل لها المسكينه
كل يوم اصحى الصباح احصل منها كول مي.........
اطنشها ودايما ادعي ربي يبعدها عني لانها لوطاحت في يدي حتموت الكل يعرفني نما احقد استخدم جميع مكايد النساء
المهم صارت كل يوم نما يطلع زوجي الدوام او نما يجي تسوي نفسها رايحه الاصنصير
زوجي فاضح حركاتها والحمدلله ان زوجي يخاف الله فيني
المهم اخر شي وصلت له بعد ماياست صارت تدق باب الشقه اول مره طلبت الشاحن زوجي قالي روحي تفاهمي معاها
وابعديها عن بيتنا لاتسبب مشاكل بيني وبينك لانه يعرف ان لصبري حدود......
طلعت الشاحن وقلت له وديه قال انتي تجننتي اكيد قلت لا بس ابغى اشوف هيه رسمت حدود ولا اوريها
فتح الباب ماحصلناها الاحلوة واقفه عند شقتها ولابسه العبايه بس من غير الغطى:mad:

زوجي شافها قفل الباب بقوه وصار يخاصمني اصلا انتي تبغيها تسوي كدا ايش اللي في راسك لايكون مسويه كمين لاتنسي انك حامل لاتخلينا نفقد بنتنا عشان وحده,,,,,,,,,,,,,,,,,,,,,:angry2:

وقعد يزعق لليل المهم مر اسبوع زوجي كان مسافر وكنا انا وسلفتي في البيت لحالنا كل يوم اخر الليل يدق الجرس نطل من العين مافي اي احد
ومرت فتره واختفت والمخطاطات اللي براسي راحت ..... وقلت الحمدلله ربي بعدها عني
زوحي البارح كان عازم واحد من اصحابه .......
دق الجرس وان بالمطبخ اجهز العشاء
راح زوجي يفك الباب وحصل الست هانم في وجهه تقول له ممكن تعطيني جوالك ابغى احط شريحتي وادق الموضوغ مرررررره خطيررررر
وفجأة زوجي ماسمعته الا وهوا يسب ويلعن فيها وصاحبه كان توه واصل وشاف كل القصه
زوجي دخل عندي المطبخ قالي عاجبك اللي يصير
قالت له حبيبي هدي وحده ماتخاف الله ولا ماكان زوجها راميها قالي ايش قصدك قلت له انا من فتره شايفه عليها حاجات حتى من حارس العماره
وبصراحه ودي اتصرف بس مابغى استعجل وبكره اندم قلي انا مالي صلاح في الهرج دا كله اهم شي فكينا من بنت ال,,,,,,,,, هدي




هدي هيه القصه يابنات وانا بصراحه ابغى ابلغ الهيئة بس خايفه لا اخد ذنب في البزوره
وما ابغى اواجهها لاني لو واجهتها حتفتكرني غيرانه منها وخايفه وانا بصراحه ماخاف من هدي الاشكال لاني عارفه زوجي بس قولوا ليا كيف ابعدها لانها خمس شهور ومايأست واكيد حتتمادى لانوا مانفع مع زوجي اي طريقه,,,,,,,,,,
ايش الحل برايكم.؟؟؟؟؟؟؟؟؟
واعدروني على لاطاله...........................................