إختي تجربة الطلاق مافيه بيت ما مر فيها
أختي تطلقت بعد مشاكل وفضايح ومحاكم ودفعنا بعد فلوس بس يطلقها وأخذ ولدها وهي جتها حاله نفسيه مره تبيه ومره تقول طلقوني منه
الولد هو اللي قطع قلبها , وهي كانت جميله لكن الحظ على قولت أمي
وجاها واحد مطلق وعنده ولد وعيت ما تبي تربي عيال غيرها قلنا ماراح نجبرها, وجاء واحد متزوج بالأربعين وقالت كبير
وقفنا أنا وأمي بوجهها وقلنا لها أصحي لا يضيع عمرك وأنتي تبين واحد على مزاجك
وجاء واحد بآخر الثلاثين ومتزوج عيت قالت متزوج هنا عاد تدخل أبوي لأن الرجال كويس ومره بالتهديد ومره بالتحايل وأخيرا وافقت
والحين الحمدلله عندها ولد وبنتين ومبسوطه ولدها الأول الحمد لله ربته جدته وهي حنونه عليه
بس الصراحه إحنا كنا نراعي شعورها وفعلا كانت الناس تتكلم زوجة أبوي تقول بتاخذ شايب وعمتي تجيب لنا الساقط أعوذبالله
فأنا أعرف الوضع ودائما أهاوش أختي وأقولها خليكي قويه
ونفس الكلام أقوله لك إذا بتقولين الطلاق صعب ونظرات الناس فما راح تحسين بالسعاده وتصيرين تعيسه فكري بمصائب الناس بتلقين من عندهم هموم أكبر من همك وصابرين وياجبل ما يهزك ريح
والسعاده نابعه من الداخل وإذا جت فرصة زواج من متزوج أو مطلق أو حتى أربعيني فكري عدل وأستخيري لا تعتقدين أن العازب هو الأفضل
موفقه

قولي لهم تاكدت ان رزقي لن ياخذه احد غيري فاطمئنيت
ماعليك منهم الحين بالعكس كثيييييييير شباب عزابيه يميلون للمطلقات اكثر يقولون اكثر عقلانيه وتحمل من واقع تجارب نسمع فيهاا انا اذكر وحده تعلمني تقول وحده مشاءالله اخذت واحد اصغر منها وعندها عيال اكثر تقريبا من ثلاثه ومشاءالله مبسوطه الله يهنيهم
وكثري من الاستغفار وسورة البقره والدعاء وصلاة الليل وحطي املك بربنا كبير وان شاءالله ربي بيعوضك

الله يعوض عليك

موب عارفه أش أقول صراحه ولكن ...
واللذي نفسي بيده إن لكم دعوة بظهر الغيب في قيامي ...
الله مايخليني منكم والله إني أستفدت كثير من ردودكم لأنها بحد ذاتها موجهه إالي شكرا
وأسال الله لكم التوفيق جميعا
وشكرا لك من راسلني على الخاص
وبأمان الله .

الله يرزقك الزوج الصالح الي تتمنينه