صديق اخوي بالعمل مصري متزوج فلبينيه ،،وزميل الوالد تزوج اندونوسيه وعندها عيال منه كبار وماشاء الله بعد مامات ورثت الملاييين ،،

وحده من قبيلتناتزوجت قطرى وعندها بنوتةوكمان واحد عندنا تزوج هنقارية لكن طلقها بعد سبعة شهور زواج

ناس نعرفهم ولدهم رجهم وصجهم لين اتزوج وحده في الستين من عمرها بس متشببه بقوه لكن ماااش العمر واضح وهو في العشرينات ويعلم اهله يقول والله تحبني اكثر منكم
والمضحك انها من دكتوره لدكتوره الا تبي تحمل بالقووووه

قريبتي ماخذه مصري بالشغل معها واهلها ماحضروا زواجها بس بالاخير رضو ماشاءالله عندها منه عيال

واحد نعرفه من بعيد ماخذ تايلنديه وبزواج اختي كااااشخه وجلست مع المعازيم اناا مااعرفها اول مادخلت احسبها المصوره سألتها انت المصوره قالت انا زوجه فلان طاح وجهي ههههههه

عادي جدا انا اعرف كثير زي كذا اعرف واحده صحبتي غامديه اخذه يمني وخالتها اخذه سوري واخالتها الثانيه اخذه مصري
وواحده سعوديه متزوجه دكتور سوداني ومعلمه عندنا سوريه اخذها سعودي وشفنا واحده اندونوسيه زوجها كندي وواحده اردنيه زوجها كويتي
وكثير شفت سعودين وحضارم اخذين اندونوسيات ويمني اخذ صوماليه وجايبين بنت ماشالله مره لزيزه وحلوه طلعت مره على ابوها وحضرنا زواج سعوديه على هندي برضو وكمان واحد من جماعتنا مصر على امه ياخذ واحده صوماليه عجبته يبغى يتزوجها
بس يعني للامانه البنت مملوحه مره ما صدقت انهاصوماليه وجدي كان متزوج هنديه غير جدتي الله يرحمهم جميع
بصراحه ما اشوف فيها اي شي نستغرب منه هذا نصيب وربنا كاتبه وبالعكس دليل على رقي العقول والمجتمع
ابد ما اشوف فيها شي عيب ولا حرام وناس ينظرون للشخص نظره اعمق من سطحية بعض الناس الي فقط يركزون على شكل وقبيله ولون وعمري ماسمعت انه ايام الرسول ولا في خطبه من خطب الرسول ولا من احاديث الصحابه انهم كانوا يعلمونا قبل ماتتزوجون اعرفوا اصل وفصل فلانه وعلان ولازم زيكم ولا ماينفع كانوا يركزون على الدين والاخلاق وبالعكس الشخص الي كان يركز على هذي السطحيات يعتبر فيه صفه من صفات الجاهليه
غير كذا الرجال لهم نظرة مختلفه عننا في المراه مايدورون وش جنسيتها وقبيلتها وشكلها ووو يدورون على الانثى الي تريحهم
والي يلاقون فيها الشي الي ناقص يشبعهم وين ماتكون في اي بقعه من الارض
هذي وجهة نظري الخاصه واحترم جميع وجهات النظر والاختلاف في الراي لايفسد للود قضيه
واخيرا ربي يهني سعيد بسعيده ويرزق الجميع يارب كل مايتمنون