امي كانت تسوي حلا عشا عبارة عن كريم كراميل واذا برد حطت فوقه بسكوت شاهي وبعدين سوت فوقه نشا وحطته اخر طبقة ..ياحلوه ياناس لذيذ مرة وقتها..

الجبنية والجلي والتطلي هذا حلوياتنا زمان

الف شكر اوركيد على كتابتك هذا الموضوووع وتذكيرنا بايام زمان والله فله
الله يحفظ الوالدة ويشفيها ويقوي ايمانها وصبرها على فقد اخويه آآآآآآآمين
كانت تسوي كيك يجنن وكانت في رمضان تسوي مهلبيه
وكانت تخترع اكلات بالتطلي <الكاسترد>تجيب طاسه زجاج وتحط فيها فواكه معلبه بعدين تطلي بعدين جلي احمر
شي طعمه خيال وانا لحد الان اسويها لعيالي في رمضان جربوها ترى روووعه

حلى اذكر اختي الله يرحمها كانت تسويه
تحمس حليب وتعجنه بيض وسكر وزيت ونأكله تقول هذا حلاوة توفي بس مادري وشلون ناكله والبيض مانطبخ هههههه
وحلى ثاني تسوي لنا كريمه بس ماتحط حليب تحط ببسي وناكاه اذا جمد وتقول حلى الببسي

اه ذكرتيني ايام زما ن الله يرحمها ويسكنها الجنه

امي الله يطول عمرها ويحفظها
تسوي لنا العصيده والخبيصه وطحين محموس وبعدين تنثر عليه شوي ماء وتحط عليه تمر وسمن وتخلطه حتى يصبح مفتت بصراحه اكثر من رائع
وتسوي لنا الساقو ونشاء تخلط ماء نشاء زعفران كركم على النار حتى يثقل على خفيف ثم تضعه بالصحون وتحط عليه شوي سمن وخبز الرقاق ترش عليه ماء وسكر وشوي سمن يجنن من يد امي انا سويته ماضبط
و بلاليط الوالده الله يحفظها يجنن ومحلبيه بس كل شي كان طعمه غير احلى بكثير من الحين صدق الحين نتفنن في كل شي بس مايطلع مثل حق قبل وخصوص من يد الوالده الله يطول عمرها

كيكه بالبرتقال من يد امي الله يديم عليه الصحه والعافيه ويشفيها

والثانيه عيش السرايا الظاهر وقتها اول مره اذوق حلا يجنن