وش اكتب لها؟؟؟؟؟

السلام عليكم

انا اهتديت وحده عزيزه علي وبتتزوج هديه حركه مو متكرره
بس محتاره وش اكتب لها

وش اهتديتها؟

تشوفون الدفتر الكبير اللي تحطه العروسه عند المدخل ويكتبون فيه خويتها وكل من يعز عليها ويباركون لها

زي الفكره بس مو في دفتر

جبت منظر كبير مره وبروازه فخم وشلت الصوره اللي بالوسط ولبست الخشبه جلد جبته من جرير وحطيت بالوسط برواز صغير وحطيت فيه صورتها وهي صغيره بعد التعديل بالصوره وتكبيرها تخيلتوا شكله؟ والمنظر له ستاند شايله
بحيث الناس تكتب على الجلد المشدود على المنظر

وبما اني انا جايبه لها الهديه ابي اكتب على الجلد كلام حلو ومميز يعني ابارك لها وامدحها

بس ابيكم تساعدوني
شكل موضوعي بينقل بس وين مدري؟
هاه وش رايكم وش اكتب
ردوا علي لاتطنشوني
واتمنى اي وحده اعجبتها الفكره تسويها
وحده واثقه انها فكره جديده لاتكون قديمه وانا مدري
يالله ياحلوات انتظركم