وش الأشياء اللي أحتاجها أنا وطفلي ؟

مرحبا اختي
انا بعد حامل وفي السابع واول حمل وماني عارفه ايش اجهز للبيبي وليه وقت النفاس
ياليت احد الاخوات الي عندها خبره تساعدنا .

اهلين اختي
انا بعد حامل وفي بداية الثامن واول حمل وماني عارفه ايش اجهز للبيبي وليه وقت النفاس
ياليت احد الاخوات الي عندها خبره تساعدنا ايش الاشياءالمهمه لوكان المولود ذكر او انثى

هلا خواتي ..............انا مثلكم ماعندي خبره وفي بدايةالشهر الثامن بس تقريبا انتهيت من تجهيز النونو بسؤال أهل الخبره............. ومن أحلى المحلات اللي تسوقت فيها (محل الاطفال) اللي مع (سبلاش ) بضاعته رووووووووووعه وهذا في أغلب مناطق المملكه.......
وأهم ما تشترينه للنونو كالآتي: بربتوزات/ ثياب كتان لنوم الطفل اريح له/ لفات للمهاد / مقاطات للمهاد/ لفات كشخه فوق المهاد/ كيس للطفل اذا جيتي تطلعين فيه/ قبعات/ بربتوزات داخليه بيضاء ساده/ صدريات/شنطه للطفل يمكن تجي طقم مع السرير اللي بتشترينه/ فوطه لحمام الطفل/ رضاعات ومصاصات/ مشط ومقص وقلامة أظافر/ مانع انزلاق لحمام الطفل/شامبو ولوشن وصابون..............الخ/ مخده اللي تكون مفرغه من الوسط عشان راس النونو ..........واخيرا اشتري كل اللي نفسك فيه للبيبي خصوصا اذا كنت بكريه يعني وسعي صدرك......... واتمنى اني مانسيت شيء واذا رحتي للمحل وحسيت انك محتاسه قولي له ابغى تجهيز كامل للطفل وانشاء الله بيساعدك . وفي محلات كثيره مثل محل العتيق جنه الاطفال والامهات بالدمام هذا بصراحه ما رحته بس سمعت عنه........................
وبالنسبه للأم انا مثلكم محتاسه :( بس يمكن اللي نحتاجه قمصان رضاعه ولو انها مو حلوه ولا راح تستفيدين منها بعد النفاس وهاللوقت طالعين بموضة جديده وهي قمصان وارواب ساتره يلبسونها في النفاس اكشخ يمكن اشتري منها ولا شرايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبعد تحتاجين ستيان رضاعه/ مشد/ ومفرش كشخه للسرير

اتمنى اني افدتكم واللي عندها اضافه تضيف............ولا تسون خواتي ادعوا لي ربي يسهل ولادتي وجميع حوامل المنتدى آآآآآآآآآآآآمييييييييييييييييييييييييييييييييييييين

ماشالله عليكم كلكم بعدكم ماشريتوا.. طيب أنا بساعدكم بهالأشياء.. وأذكر اني كنت حاطة موضوع عن هالشي.. المهم شوفوا اللي ناقصنكم من ألحين.. ترى بعدين الثقل مصيبة.. بتتكاسلون عن الطلعات..

 المهم هذي الأشياء يمكن ماتحتاجونها كلها يعني انتوا نقصوا أو زيدوا على راحتكم.. ونصيحة لا تستخدمون قطن لتنظيف الأذن حتى لما يكمل الطفل كم سنة ويكفي بس بالاصبع من برع.. وهذا كلام الدكتور..


أولا: للرضيع:-

6+ أوفرول ( لبسات شبك ) أو بدلات شبك
8+ فانيله فيها فصم من تحت
2 فوطة للاستحمام
4 فوطة صغيرة لأغراض متعددة
4+ لف ( غماط )
بامبرز أصغر حجم
كيس قطن للتنظيف
محارم بامبرز أو جونسون
كريم للجسم + صابون + شامبو ( أنا أفضل سيباميد )
حوض للاستحمام + مرتبة نايلون لتغيير الملابس ( مفيدة والله )
سرير بمعداته ( مرتبة طبية + لحاف + شرشف ……+الأغراض موجودة عند مذركير وكل محلات الأطفال )
مشط صغير للشعر
شنطة صغير للأغراض وقت الخروج من البيت
صندوق لأغراض الطفل
مقص أظافر
مراضع صغيرة ( للأعشاب + للماي والسكر نبات) + حلمات + معقم المراضع أو قدر لتعقيمهم
لهاية للاحتياط فقط
أعشاب مخلوطة ( كراوية + ينسون + … ) أو نعناع
جهاز للتنبيه اذا كان الولد يصيح والأم بعيدة

ثانيا: للأم:-

4+ قمصان نوم
ملابس داخلية ( صدريات للرضاعة + ……. ) اللي تحتاجة
فوطة
رباط للكرش أو حزام عريض من الصيدلية
قطن داخلي ( كوتكس أو أولويز أو …….)
شراب لتنظيف الرحم وتكون مجهزة الأغراض قبل الولادة مثل الرشاد أو الحلبة وطبعا كل بلاد وعاداته في هالأشياء.
مادري اذا نسيت شي … وبالنسبة للأطفال اللي شوي أكبر يعني من عمر 3 شهور وزيادة يحتاجون زيادة أغراض وحتى لحديثي الولادة يقدرون يستخدمونها مثل مهد هزاز + ألعاب متحركة + عربانه للتنزه + كرسي للسيارة + مريلات + كرسي للأكل + أطباق عميقة وملاعق + وألعاب للتسنين + ……….)

مشكورة أختي غزال العيله وأختي المسافرة والله يجزاكم ألف خير
بس أبي أي سوق أروح له محدد في الرياض عشان مابي ألف وأدور
معك حق ياأختي المسافرة إنا تأخرنا ماجهزنا لكن ظروف الإمتحانات ماخلتني أجهز بدري
والله يعافيكم دلوني على أحسن محل في الرياض آلاقي فيه كل الأغراض