قطعة السكر :

أم العلامة.. لبنان أحلى وأرخص من تركيا وأقلاً أكلهم مضمون..وما يغشونك وقولون لك حلال وهو حرام..وإذا الأكل ينطبخ بكحول أو فيه لحم خنزير يقول لكم إذا شافك محجبة.. أما تركيا أغلب المطاعم ما تقول..ويلعبون عليك بالأكل..تخيلي أكثر من 90% من لحومهم..لحوم حمير.. والكلام متأكدة منه 100 %..لأن اللي قاله لنا احد تركي صاحب أبوي..لما عرف إننا بنروح قال لأبوي: حذرهم من أكل المطاعم..يقضونها خضار وجبن..ويبتعدون عن الحوم.. لبنان حلوة للي يعرف وين يروح ويخطط لها زين.. إذا تبين سكن بوسط بيروت..بشارع الحمرا..عندك فنادق وشقق تبدا من 40 دولار لليلة.. بس مو تاخذون اللي عشارع الحمرا مباشرة..لا أدخلوا الشوارع الفرعية.. وشارع الحمرا لحاله يبي له يوم للتسوق..فيه محلات ماركات ومحلات رخيصة..ومطاعم لا تعد ولا تحصى.. البنات عطوك اللي بره بيروت..أنا بعطيك اللي بشارع الحمرا.. عندك ناندوز..وشباستكس هذا صيني..وفي مطعم هندي بس داخل فندق على نفس الشارع..لو تسألي أي تكسي يدلوكم.. عندك شارع بلس..كله مطاعم وأنصحك بمطعم بلس..وأكيد بربر.. لو تبين حلويات..عندك حلويات سقراط..على نفس شارع بلس.. شارع بلس مميز لأنه قبال الجامعة الأمريكية..ممكن تدخلون الجامعة تشوفونها من داخل.. إذا تبين سوق لملابس سهرة وأشياء أرخص من المجمعات..وأغلبه مصممين..عندك بربور..و..بربير..بس يبي له حوسه.. الكوافير عندهم أرخص بمراحل.. بعطيك مقارنة بسيطة..عندنا أرخص شي لتعديل العروس 1000 ريال.. عندهم أغلى شي 1000..طبعاً هذا السعر لأميرات سعوديات..لأن محد يقدر يدفع هالمبلغ عندهم.. أنصحك بكوافير رمزي وحنان..في-الأشرفيه-هم زوجين..حنان تسوي المحجبات..ومرة نصوحين وشغلهم حلو..ولو تشوف إنك أخترتي لون ما يناسبك تنصحك بلون ثاني..وما تحب وحده تجي تقول لها..أبي عالموضة..تقول: وإذا مو حلو عليك لازم تسويه وتنزعي شكلك..؟؟ وأرخص من باقي الكوافيرات.. بالنسبة للبس..إذا كان زوجك بلبس بدله..وبيتكلم لبناني..إلبسي شرعي..بنطلون واسع..وبالطوا لنص الساق.. إذا بيلبس ثوب..خليك على العباية.. هم ما يهتمون لك وش راح تلبسي..ولا راح يطالعونك..وإذا طالعتي وحدة لابسه شي مو عاجبك بيهزئونك..لأن عندهم كل واحد له معتقده.. أنا قلت لك إلبسي على حسب زوجك..لأن التكاسي إذا شافوا خليجين وبالأخص السعوديين يرفعوا سعر المشوار.. يعني لو المشوار فرضاً بــ 10 ريال..بيدفعك 40 ريال..وعادي يقول لكم..: أنتم سعوديين عندكم فلوس.. وغير كذا إذا أخذتي سيرفيس..عادي ياخذونك وياخذون معاك أي أحد يأشر عليه..يعني خلي زوجك يركب معاك ورا..عشان لا يجلسون جنبك شباب.. أو حرصوا إنكم تقولون له بس يوصلكم.. أو تريحوا بالكم وتكلمون شركة معتمدة للتوصيل..وتسعيرتهم موحده للجميع..مثل لورد.. هذا اللي فبالي..وإذا تبين شي ثاني أمري..بس لو ما عليك أمر عالخاص لأني أضيع المواضيع..×_× في أمان الله..

أم العلامة.. لبنان أحلى وأرخص من تركيا وأقلاً أكلهم مضمون..وما يغشونك وقولون لك حلال وهو...