بسم الله الرحمن الرحيم
صباح ..مساء الخيـــــــــر ياحوائيات
كيف حالكم
انا وحده من المشتركات بالقطيه بهالمعرف
عندي سؤال الله يجزاكم خير وأرجو أن تتفاعلو معي
انا أن شاء الله زواجي قرب وبسافر بعد الزواج ان شاء الله بكم يوم
فسؤالي ماهي الاشياء اللي أوديها معي بالشنطه
يعني وش الاشياء اللي أحرررص عليها واللي أوديها معي بالسفر
مدة السفر تقريبا 6 ايام
ووش اودي معي وكم لبس اودي وكم قميص نوم
ووش ألبس لما أصحى من النوم (البس بيجاما ولا جلابيه ولا تنوره وبلوزه ولا بنطلون )
و أودي معي اللوشنات اللي شاريتهم
ومعطر الملابس والشراشف بنفس الوقت << فررحااانه توها شاريته من نكتار الله يجزاها خير اللي دلتني عليه ولا لو علي أنا مدرري وش السااااالفه
وغيره وغيره
ترى صدق أنا من النوع اللي مدري وش أقولكم
من النوع اللي يحتاج مساعده يعني ماعرف أدبر عمرري
بهالاشياء
وأخيرا أرجو أني ماشوف رد من الردود فيه أستهزاء او سخريه<<<أحتياط لأني شفت عضوات ردودهم ماشييييه الف الله يصلحهم
وأعتبر وني أختكم ودلوووني
وانا ماكتبت الا والله مضطره وفعلاا مدري وش اسوي
يعني لو علي أخذ شنطه وش كبررررررررررها و اعبيها
يعني مدرري وش الاهم والمهم ووش اللي لازم ينودى
وبعد عندي سؤال
شريت غسول نسائي من نكتار ينفع اوديه معي ولا موب زييين
لان وحده هينا تمدح بغسول (ملح وما) او ( مره وما)
ردوو علي تكفون
......
اختكم ( ضايعه في الطووشه )
..............
ماسكهـ خطــ @maskh_kht
محررة برونزية
يلزم عليك تسجيل الدخول أولًا لكتابة تعليق.
اولا الله يوفقك مابينكم ويسخر كم لبعض
والف مبروك
ثانين اذا بتطلعون برى اهم شيء تتاكدين من الجو اذا برد او لا وتاخذين لبس يناسب الجو
والملابس لاتكثرين لانها بتضايقكم في العفش والوزن اهم شيء خذي لتس عطر وكريم معطر من نوع ثاني عشان تستغلين يكون عندتس ريحتين واللبس بعد القومه الافضل في التمشي بنطلون اذا يناسبتس
والعبايه الافضل 2 عشان اذا توسخت او شيء
والقمصان لاتكثرين احسبي كل يوم 2 وتلبسنهم مو ورى بعض لا
والكريم خذي شيء يكون في علبه صغيره لان الفنادق توفر مرطبات ولا تنسين الاغراض الشخصيه من صابون ومعجون وفرش وامواس
وممكن تاخذين واقي عشان ماتسمرين مع الشمس واذا المنطقه فيها مطر تاخذين مظله وممكن لبس المطر اللي يكون بلاستك
انت حددي المكان وان شاء الله افيدتس اكثر
والف مبروك
ثانين اذا بتطلعون برى اهم شيء تتاكدين من الجو اذا برد او لا وتاخذين لبس يناسب الجو
والملابس لاتكثرين لانها بتضايقكم في العفش والوزن اهم شيء خذي لتس عطر وكريم معطر من نوع ثاني عشان تستغلين يكون عندتس ريحتين واللبس بعد القومه الافضل في التمشي بنطلون اذا يناسبتس
والعبايه الافضل 2 عشان اذا توسخت او شيء
والقمصان لاتكثرين احسبي كل يوم 2 وتلبسنهم مو ورى بعض لا
والكريم خذي شيء يكون في علبه صغيره لان الفنادق توفر مرطبات ولا تنسين الاغراض الشخصيه من صابون ومعجون وفرش وامواس
وممكن تاخذين واقي عشان ماتسمرين مع الشمس واذا المنطقه فيها مطر تاخذين مظله وممكن لبس المطر اللي يكون بلاستك
انت حددي المكان وان شاء الله افيدتس اكثر
الصفحة الأخيرة
...