تجمع لمن نوت على الحج ولتبادل الخبرات
يا بنات اللي حجت تقولي وش كانت محتويات الشنطه اللي اخذتها معها للحج؟؟؟
لاني بصراحه ناويه ان شاءالله احج السنه هذي بس محتاره!!
قالولي خذي قمصان
!! طيب كل يوم قميص ؟؟ والا تنوره وبلوزه!! او جلابيه مع اني ما عمري لبست جلابيات
؟؟؟وبعد التحلل من الاحرام وش البس؟؟ سمعت ان الناس يكشخون !!((ميك اب وحركات))
والشامبو؟؟ والفوط؟؟ وفرش الاسنان؟؟ والكريمات؟؟ ومصحف ؟؟وشاحن جوال؟؟ ......والبس جزمه رياضيه والا شلون ؟؟
وامممم يوم العيد كيف بيكون يعني اخذ معي لبس والا؟؟
وكيف البناات في الحمله يعني كل وحده بحالها والا فيه سوالف وكذا<< اجتمااعيه :39:
لاتضحكون
علي اول مره احج وابي معلومات؟؟؟؟
خذي ارواب إلي قمصان منوعه وحلوه الوانه وشكلها من النوع الزين وملابس داخليه قطنيه وبناطيل داخليه قطنيه اتوقع هالسنه برد
والله اعلم
المهم خذيها على عدد الأيام ومنشفه لترويش ومنشفه صغيره لوجهك وفرشاتم ومقص شعر عشان التحلل
وخذي جزمه مريحه للمشي ووحده ثانيه إحتياط وتكون داخل المخيم زي الشحاطات بس تتحمل المويه
وخذي مجموعه الحاج من بزلين من دون عطر وخذي سجادك وشرشك
ومناديل وشاحن ومعقم ضروري
ونصيحه لوجه الله لاتسولفين وتضيعين الوقت خلي هالأيام خالصه لوجه الله إعمريها بالطاعه والذكر والإستغفار والدعاء
إمكن تكون اول وخر حجه لك
والله ندمانه قد شعر راسي على اوقات السواليف
الحمدلله يخلص الحج روحي سوفلي وتمشي وتونسي
لكن بالحج لا إستغلي هالأيام العظيمه والله من تجربه لي ولغيري هذي النصيحه
وخذي معك فلوس إمكن تتصدقين او تشوفين شغلات حلوه تشتريها هدايا وإمكن تحتاجين شراريب اي شي ينقص عليك
وخذي اذكارك وقرآن وإحرصي تختمين القرآن اسوه بالصحابه رضوان الله عليهم كان معنا بنات كثير ختمو الله يهنيهم
وسبحه عشان تذمرك واهم شي تثقفي ودوري على محاضره الشيخ عبد المحسن الأحمد عن سوره الحج تشرح الحج شيء مو طبيعي يخليك تستشعرينه
ونسيت قولك خذي لك يوم العيد لبس حلو ناعم تنوره وبلوزه وحطي كحله وإذا ودك خذي كيس حلويات وزعي
هذا إلي عندي والمعذره على الحوسه احس كتبت وانا متحمسه
واي استفسار على الخاص لأني ما ارجع لمواضيعي
ياعسل ولانتسينا معك بالدعاء
واخر نصيحه يوم عرفه قفلي جوالك احطيه على الصامت إلا محرمك يكون على العام حتى ماتشغلي نفسك بلناس مابقي احد إلا يدق إدعي لي