وش التصرف الصحيح اذا ضربك زوجك

زوجي ضربني قبل اسبوعين ماقولكم اني مو غلطانه بس هو غلطه اكبر ،،
طلب مني اسوي له شغله مو من اختصاصي ولاني ملزومه فيها وفيها اهانه لي امام اهله ورفضت وعصب وسبيت فيه وفي اهله لانهم هما ساس البلا وضربني ودافعت عن نفسي وضربته ورجع يضرب يقول ليش تمدين يدك علي !!!
اللحين صار لي ١٤ يوم مااكلمه ولا اطالع حتى بوجهه قايمه بنفسي وبعيالي بس وهو مستغني رفضت اسوي له اكل ونزل ياكل عند اهله رفضت اكوي واغسل ملابسه اخذها ونزلها لخدامه اهله ،،جالس عند اهله على طول بس يطلع البيت ينام بالمجلس،،
ولافكر يعتذر او يصلح غلطه بس ينادي عيالي ويسألهم امكم اكلت ، شربت ، نامت ،،
ماقدر ادخل اهلي لانه ضربني قبل ٧ سنين ودعيت ابوي واخذني ورجع زوجي اعتذر ورجعني وعطاني رضوه بس لليوم اهلي يكرهون زوجي ويحترمون ازواج اخواتي الا زوجي حتى عزايم واعياد مايعبرونه مانسو اللي صار وكل مامدحته في شي قالو وانك قبل سنين اتصلتي تبكين تقولين ضربني !!!
وزوجي بعد يكرههم وانا طحت بينهم ،،سنين اعاني منه ومن اهلي لاني علمتهم بضربه المره الاولى ،،