وش الجديد والحلو في البوية ,,,,, وهذا بيتي اقترحوا علي

السلام عليكم يا مبدعات وذويقات


بدخل بالموضوع على طول

اللحين انا خلصت من اختيار البلاط ورسينا على البلاط الخشبي

لكن احترت في البوية
طبعا ظروفي الصحية ما تسمح لي اروح وادوج في المحلات فابي منكم تختصرون لي المشاوير وتقولون لي وش الجديد والحلو في البويات

بما ان البلاط خشبي وسط بين الفاتح والغامق
فاللون بيكون حليبي ,,, لكن وش النوع
التعتيق قديم وملينا منه
ابي شي احلى ؟؟

وش عندكم من اراء واقتراحات


غرفة عيالي
بما انهم ولد وبنت
فرغبت لون محايد
ودي بلون اخضر فسفوري مطفي هادي مو فاقع بس ما يكون الاخضر المعروف مثل علم السعودية ,,,,,,,, فاهمين قصدي باللون
نفسي اخلي زاوية جدارين اخضر وزاوية جدارين برتقالي
مثل الوان محل ملابس الاطفال ( تاب الويا )

بس زوجي رافض يقول لون واحد افضل

وش رايكم ؟؟



غرفتي
بما انها كبيرة بتساعدني العب بالالوان لعب
اخترت لون طوبي للجدران
والارضية فرش المكرونة ,,,,, ما عمري شفته هالفرش اللي عندها صور ياليت تحطها اشوفها
اخليه ابيض او سكري
والسقف ابيض
مع الانارة الصفراء بتطلع كانها غرف الفنادق وهذا اللي ابي اوصل له


وش رايكم ؟؟


المطبخ بلاط خشبي فاتح

وش لون المطبخ ؟؟
حتى الان توصلت للون الاصفر مع الابيض
لكن ما بعد رسيت ,,,,,
ابي اقتراحاتكم

ولون الجدران وش اخليها ؟؟؟

اززززعجتكم ,,,,, بس معليه تحملوني ,,,, يا شين اللي يضبط بيت وهو ما يقدر يطلع للمحلات ويشوف


وانتم فيكم الخير والبركة