وش الحل ابغى حل نهائي قسم بالله اني بكرب

السلام عليكم ورحمه الله وبركاته
هذي سلمكم الله خاله ابوي يعني اخت جدتي مادري وش مشكلتها معاي حاقده على حقد شديد بشكل مو طبيعي ولا ادري وش السبب كل يوم افكر اقول ليش انا وش سويت تكرهني كذا :طبعاً هي عمرها 80 لاكن صحتها ممتازه اللي يشوفها يقول عمرها 50 انا عمري 32 ماتزوجت اقسم بجلال الله انها ماتناديني الا العانس قدام الكل 🥺 كنت بعزاء جدتي اللي هي اختها الله يرحمها وكان وقتها عمري 29 سنه وكان موسم برد انا لابسه جوارب برجلي عشان البرد يوم شافتني قامت تضحك بشكل هستيري تقول شوفو العانس لابسه جوارب مافيه برد وين البرد ياعانس والحريم كثير بالمجلس ردت عليها وحده الله يسعدها دنيا واخره قالت وش فيك بعقلك شي البيت كله سيراميك اكيد بتلبس جوارب وبعدين الموسم برد سكتتها : الموقف الثاني كنا انا وامي بزواج و الحظور كانو كثير جداً المهم جات عندنا ومسكتني وقالت اثاريكم جيتو وهي ماسكتني تسلم على قرصتني بيدي قرصه قويه وقالت ياحياتي اللي تسوق لنفسها عشان تتزوج وسكتت وقلبي يغلي لا ارتكب جريمه فيها الين وصلت البيت فسخت عباتي وكل شي الا ويدي سوداء بشكل مخيف من قرصتها ابوي وامي شافوني وقلت لهم بالسالفه من الاول الين الأخير اني اتعرض لهجوم قاسي منها من زمان طبعاً ذاك الليله كلنا مانمنا ابوي ينتظر الصباح وامي عشان يروحون يكلمون عيالها يا اخواتي
اشتد على القولون العصبي تروني ارد عليها وادافع عن نفسي لاكن مافيه اي فايده من ردي عليها انسانه منحله اخلاقياً وفيها سوء اخلاق بشكل محد يتخيله تدرون اني انا الوحيده اللي تعاملني كذا وتحترم بنات عمي الا انا تكرهني كره تعبت من التفكير وش سبب كرهها وش معنى تحترم بنات عمي وانا تكرهني ليش والله العظيم اني بعذاب من سنوات كل ماتشوفني ترمي على كلام مثل السم الله لايسامحها ولا يحللها ولا يبيحها واذا ماتت اقسم بالله العظيم لأدعي عليها واحرقها بقبرها الله يعذبها بحياتها قبل مماتها مثل ماعذبتني بكلامها 💔 والله على ما اقول شهيد ان هذا اللي حاصل معي عشان لاتجي وحده من العضوات تكذبني اذيتها لي من يوم كنت بالثانوي وانا صابره ومتحمله كلامها حسبي الله ونعم الوكيل