وش الحل بغيرتي

مساء الخير

كيفكم اخواتي واخواني لو فيه رجال بالمنتدى

قصتي او مشكلتي اني كثير غيورة على زوجي وزوجي بعد مو مقصر عيونه طويله00

من تزوجنا وانا احسه وكتبت قبل كذا انه يحب يقضي اغلب وقته بالنت او التلفزيون او اصحابه

طيب ماكنت اشك فيه ابدا00 قبل كم يوم اضطر يغير جواله بوضع شريحتة بجوال قديم عنده فمن لقافتي واعترف بهالشي قعدت افرفر بهالجوال فلقيت انواع البنات والمسجات من بنات المهم00 شفت تواريخ المسجات لقيتها قبل زواجنا بسنتين قلت اوكي ماضي بس صراحة كنت اغلي من الداخل00 المهم انا لساني فالت واللي بقلبي على لساني على طول قلت له المصيبه انه قال لي مو جوالي هذا جوال اخذته مستعمل:44: مستعمل وفيه مسجات من بنات بالعائله لاحظوا فانقهرت من كذبه من هاللحظة صرت افتش كل جوالاته وهات يامصايب طبعا لاحد يقول ليه ليه تفتشين انا فتشت وخلصت لانه شفته بارد من ناحيتي واذا رحت لبيت اهلي مايبغاني ارجع طول الوقت يقول لي نامي هناك وهذا واحنا تونا عرسان 000

المهم الجوال اللي بعده لقيته متصل منه اليوم اللي قبله على رقم وحده فيهم:44: وصارحته وقال لا وقام يلخبط ويتأتأ

بعدها حلف لي على المصحف انه مايحب غيري ومايبغى غيري ومن هالخرابيط


الحين المشكله اني ما اثق فيه ومجرد يطلع من البيت احس اني اكرهه وبس موسوسه وحط لجوالاته ارقام سرية طيب شسوي00 ومره يقول ماضي ومره يقول مو حقي الجوال اشتريته مستعمل طبعا لا مستعمل ولا شي اربع جوالات بنفس السالفه

ياريت تنصحوني المصيبه انه يغار علي طيب كيف تغار وماتبغاني اغار والله وقف شعر راسي 00 هذي اول سنة زواج كيف بعد فترة ايش بيصير بينا