وش الحل بنظركم

ي عالم ي ناس ي هوه ابي انام هل طلبي صعب
وش الحل مع الزوج اللي ماينام أعوذ بالله مطوبز اربع وعشرين زفت لاينام لا ينخمد مثل العالم والناس ويجيه الطرب يطرب نفسه ويزعج غيره يتمشى بالبيت ويفتش ويجيك وانتي نايمه ليه هاذا كذا؟
ويجيه الاختراعات يشاوره جني مدري شسالفته
تخيلي وانتي نايمه فيه دجاج للغدا بكرا؟
وش بتطبخين ي ربي عفوك
مدري هالمخلوق يتضايق اذا نمت وش يجيه مدري يجي من الاستراحه ويكمل سهر بالبيت وين اروح وين انام مااصدق بناتي ينامون ي زين النوم بعد الكرف ويجيني شين الحلايا حتى بناتي مايتعبني كثره
واذا دخلتي احلى نوومه فوق راسي مثل القرد ابي اكل وش فيه ينوكل فيه هوا فيه وجع يعني مدري وش الحل يخبط بالابواب ي مسلم ابي انام يقول شوفيني انا خليك زيي ماانام الا ساعه ساعتين النوم ماخلق لعيون الذيابه الله لايوفقه اللي طلع هالمثل وش ذنبي اذا انت جني ماتنام حتى الجني يمكن ينام نام ريحنا وريح ملايكتك أعوذ بالله مدري على مين طالع يجيه القصيد اخر الليل مدري وش يشوف
الحين اكتب وهو متكي بالمقلط شكله ينتظرني انام يالله
اللي عندها عاهه ولا مخلوق زي ذا شلون تتعامل معه