وش الحل تعبت

السلام عليكم و رحمة الله وبركاته
حاولت اسجل حساب خاص فيني ما رضي ف اضطريت استخدم حساب صديقاتي اتمنى القى عندكم اجابات لان مالقيت عند اللي حولي
انا متخرجة من كلية الطب ب تقدير ممتاز مع مرتبة الشرف بعد ما تخرجت ب ٦ شهور تزوجت ما كان عندي فرصة اتوظف قبل الزواج لان كنت ابغى ارتاح من هم الدراسة و الاختبارات المهم بعد زواجي بكم شهر جاني وظيفة في مستشفى راقي و معروف اللي حصل اني بعد اسبوع من الدوام اكتشفت اني حامل و زوجي رفض اني اداوم مع ان الدكتورة قالت عادي كل شيء تمام و صارت مشاكل مالها اول ولا اخر و تركت الشغل لاني ما عاد تحملت ضغط زوجي بعد الولادة كل ما اقول له ب اتوظف يقول مو وقتها خلي بنتك تشبع منك .. مو وقتها خلي البنت تكبر و تصير تعتمد على نفسها الحين صار عمر بنتي ٣ سنوات بسم الله عليها و طلع اسمي بالخدمة المدنية و الحمدلله جاء اسمي بمستشفى داخل الرياض مو خارجها و دوامي يبدأ بكرة ان شاء الله بس زوجي رافض و مهددني بالطلاق رغم ان هذا شرطي بالعقد و يقول لي ترا كلها ورقة روحي بليها بمويه و اشربيها محد يقدر يغصبني على شيء ي بنات زوجي ما يصرف علي مع ان راتبه ٢٠ الف يقول الفلوس تخرب الحريم حتى مكياج ما عندي ملابس اخر مرة جاب لي قبل سنتين طلعة من البيت ممنوع بس لبيت اهلي او بيت اهله الحين صار لنا شهر ما نكلم بعض هوه في المجلس و انا بالغرفة امس جاء يقول ي تتعوذين من ابليس و تنطقين ببيتك ولا ترا لي تصرف ثاني معاك انا قررت اشيل نفسي و اروح بيت اهلي و بسلامته خلي تهديده ينفعه و لو فكر ياخذ بنتي عندي اثباتات انه ما يصرف علينا و لا هو داري عنا و انه رافض وظيفتي مع انها اول شروطي بالعقد وش رأيكم تكفون