وش الحل تعبت 😓

السلام عليكم خواتي
ابختصر لكم مشكلتي الي اعاني منها من سنوات ولا لقيت لها حل
مشكلتنا اخوي من يوم ماكان صغير وهو مختلف عن اخواني يأذي ويخرب وكان يغيب عن المدرسه ويحب يأذي الي اضعف منه كبر وكبرت مشاكله وتوظف مرتين وفصل من عمله ، طبعا انا تحملت منه اشياء كثير كذا مره يسرق من عندي فلوس ، يقطع ملابسي ، يدخل غرفتي وانا ماني فيه ويخرب الي يقدر عليه لكن ! بطريقه مايخليني اشك انه هو ، عانيت منه معاناه مايعلم فيها الا الله ، يابنات اخوي هذا ماخليت مستشار اسري ولا طبيب نفسي الا سألته عن حالته فيه تفاصيل كثيره مافيني اكتبها
المهم الان هو عمره ٢٩ سنه ماهو صغير جالس عند امي بدون عمل وانا اجي عندها اذا زوجي سافر واجلس اسبوع واحيانا عشر ايام وماانقطع عنها
مشكلتي الان اني اذا جيت عندها اخذ غرفه من البيت انام فيها واحط ملابسي واشيائي الي تخصني واذا خرجنا اقفلها وكل الي بالبيت يقفلون غرفهم اكتشفت من خلال ملابسي الي احصلها مقطعه ان معاه مفتاح لكل الغرف لانا نفقد اشياء ، وقطع الملابس مايكون بطريقه واضحه يعني زي البناطيل احصله مسوي فيها شقوق ومخربها يعني البنطلون من تحت من عند العوره يسوي فيه خروم ويخرب خياطه ولاحظت حتى ملابس امي واخوي الي عندها بالبيت نفس الشي
وذحين خايفه ان معاه مفتاح لبيتي واخاف اذا رحت ل اهلي يروح له وممكن يخرب ويأذي لاني كذا مره اخرج مع امي واقفل الغرفه على اغراضي ويكون مفتاح بيتي بالغرفه
انا اكثر وحده عانيت منه لاني تقريبا انا المسؤله عن بيت اهلي من تنظيف واستقبال للضيوف وحتى اشتري اشياء من عندي ويخربها او افقدها
اهلي تقريبا عارفين انه كذا لكن فيه بعض الاشياء ماقدر اتكلم فيها ولا اقدر اقوله انت سويت وسويت لاني قبل كذا سويتها وتضاربنا وصرت اخاف من ردة فعله ، حاولنا معاه بالتعامل الكويس ، تجنبناه ، نفس وضعه الاذيه يحبها بشكل فضيع وكأنه ماعنده هدف بالحياه غيرها
واذا سكت تمادى ، واذا تكلمت حقد وزادت حالته
مع العلم انه يخاف واذا سوى شي ينعزل بغرفته ولا اشوفه واحيانا اجلس عند امي بالايام ماشوفه الاهو رايح الحمام
امي شخصيتها ماهي قويه وتجنبه ولاتدخل فيه لكن خسرنا اخر مره حوالي ٦ الاف خرب ثلاث ثلاجات وانا ماقدرت اتهمه وانا ماني متأكده بس كلها خربت ورى بعض
والله يابنات ماقلت المشكله الا بس ابغا افضفض
ادعو ان ربي يهديه ويخرج من بيت امي للابد ويروح بعيد ويتوظف ولا يتزوج ولا اشوفه بس من غير مايصيبه شي
هاذي دعوتي دايما ارددها