بنت السراه
والله معك حق وانشالله راح اشتغل

السلام عليكم و رحمة الله و بركاته،


نصيحه من وحده تشتغل و عندها طفل خليكي في بيت زوجك أفضل لك.
اذا كنتي مو محتاجه للماده، و زوجك مستواه المادي زين، لا اتعبين نفسج بالشغل.
اولا ان شاءالله راح يجيكي عيال فأحسن وظيفه بالدنيا انك تربينهم انتى مو الخدم، ثانيا شغل البيت استغني عن شغل الخادمه اذا كان عندك خادمه و سوي شغلك بنفسك. و في أشياء كثيره ممكن تشغلي فراغك فيها غير الشغل مثل دور القرآن، الأعمال الفنيه ، القراءه .................. الخ
اهم شي شوفي انتى شنو تبين انتى شنو محتاجه، مع احترامي للوالد هذي حياتك انتى تقررين فيها، و بعدين زوجك لها الرأي الاول و الخير في هذه المسأله لأنه ولي أمرك، و اذا شفتي انك ما عندك رغبه في الشغل و ان بيتك أولى قوليها بصراحه لوالدك، و بينيله انك مو حاسه بفراغ و لا محتاجه انك تشتغلين.

هذا رأي ام مقهوره تترك ولدها كل يوم في يد الخادمه و ما عندها بديل ثاني.

و الله يوفقك لما يحب و يرضاه

السلام عليكم ورحمة الله وبركاته

أختي الغاليةmiss_world
استخيري الله عزوجل وهو سيختار لكِ الخير

ولكن نصيحة مني لكِ اختي
لا تذهبي للعمل
وتستطيعين إقناع والدك باسلوب لطيف بدون ان تزعجيه وتغضبيه

والحمد لله رزقك الله بزوج هو المسؤول عنك وعن اطفالك

فلماذا تعذبين نفسك وتعملين

استغلي وقتك الآن بشيئ يفيدك قبل ان يرزقك الله بأطفال يشغلون وقتك
ويكون ذلك مسلي لك ومفيد ولا يؤثر على انوثتك وواجباتك كزوجة ..

وممكن اذا عملت الان وبعدها رزقت بأطفال لا تستطيعين ترك العمل فتتضطري لتركهم لدى الخادمة..

وتستطيعين زيارة الأخوات والاختلاط بهم بدون عمل ..

والله تعالى اوجب على الإمراة المسلمة مسؤوليات هي محاسبة عليهم
وأوجب على الرجل مسؤوليات وهومحاسب عليهم

فحاولي ان تقومي بواجباتك التي فرضهم الله تعالى عليك واتركي واجبات زوجك له ..

بارك الله فيك

والسلام عليكم

اختي بشائر الفجر
جزاك الله الف خير
والله كلامك صح وانا فعلا دعيت ربي ان كان للعمل خير ليه ييسره وان كان لا فيصرفه عنى
بس تخيلي اللحين قدم شهاداتي في مدرسه معرررررروفه مره وهي جامعه كمان في جده دار الفكر لو تعرفينها
وقالي راح يقبلونك هناك انشالله عشان يعرف ناس هناك
واللي انا افكر فيه اللحين انها مررره بعيده عن بيتي يمكن نص ساعه او اكثر واظن دوامهم يطول ... اه
والله ما ادري ما ودي ازعله لاني اللحين في نظره انسانه من غير هدف وطموح ..
الله يكتب اللي فيه الخير