وش الحل ساعدوني بحلول تكفووون

السلام عليكم
صبايا .. انا عانيت من ورمين الله يبعد عنكم الشر .. واحد حجمه كبير مره وله سنوات
اللي صار الورم لعب باسنااااني كان يمتص الكالسيوم من عظامي واسناني ويحولها للدم .والحمدلله لي شهر من استاصلوهم بعد معاناة طويله
المهم كانت اسناني تتكسسسسر ومتعفنه
وزوجي مبتلش بديون ومايقدر يصلحهم وقتها
الحين كل اسناني تشوهن وصرت اعاني خراجات وفراغات ومااقدر اكل لححوم حتى الخبز يتعبني لازم توستيات واشياء لينه
والبلا اسعار الاسنان نااار
ويبيلي 30الف تصليح وزراعه ..😭



وزوجي يقول دوري مستشفى يقسدون بسعر رمزي لان الراتب مايتحمل بسبب ديونه ...

طقت نفسي ادور عيادات اقساط وعياده كويسه مضممونه ومالقيت مالقيت اقساط .. لقيت عيادتين ودكاترتهم سبوهم يقولون فاشلين وموادهم من الرخيصه ماتطول معاك ..



يابنات انتم تعرفون هم الاسنان وربي تعباااانه نفسيا بسببها وجسمي نحف

طلبت دكتوري المختص بحالتي يحولني بالمستشفى قسم اسنان يسوون اسناني


قال ماانصحك بالحكوميه راح تتعبين مواعيد بالسنه وانتي اسنانك تحتاج شغل كامل وسريع ...



تكفون اعطوني حلول اذا عندكم يمكن فيه حد يعرف جهه تساعد ..او عيادات يقسطون بالرياض وشغلهم مضمون ....ويكون عندهم زراعة اسنان

يارب يارب يارب يفرج عليكم وربي لادعيلكم
من فرج عن مسلم فرج الله عليه ..
ولو بدعوه ..