وش الحل معها كرهت بيتي وجلست زوجي منها

السلام عليكم أنا لي فترة سكنت عند أهل زوجي بالغصب في شقة مافيها الا غرفة وحدة للجلسة والي يقهر أنه بالقوة لأني رافضة لان كنت قبل ساكنة عندهم ماارتحت إلا بعد مابعدت وأخوات زوجي اللي مجرد مادخل عندهم يطلعون ويروحون لغرفة ثانية يجلسون فيها من النجاسة والحقد هم اللي فروا رأسه وخلوه نسكن عند أمهن علشان أتحمل مسؤوليتها وأنا والله ماأزكي نفسي عمري مارميت عليهم كلمة تزعلهم بس غرهن أنهم كثار وزحمة البيت في جمعتهم يمتلى على الاخر أنا ماهمني أصلا هن ماصفت بينهن بيصفنها لي وأنا الغريبة ارجع للي كرهني بيتي ويومي أم زوجي انسانة قوية وماتستحي كل شوي تجيني وتجلس في هالغرفة وأنا اللي أكلها مشاكل عيالي أكلهم كل شيء كل شيء قدامها وصلت الأمور من كثر ماهي مرابطة عندي ولدها يدخلني الغرفة قدامها بس ماسكت له الا هنا قلت أمك فيه لا تناقشني اذا أنت جريء أنا استحي بس والله مليت حتى لو أنسدح بالغرفة خاصة وإني عندي الآلام بالظهر ماادري الا داخله علي وماعمرها دقت الباب او تصوت ماادري الا هي بوجهي والله كرهت البيت ونفسي وحتى الاجازات مرابطة عندي وإذا ولدها فيه خلاص ماتطلع من عندي وزوجي أناني أهم ماعليه بره فيها طيب أنا مامنعتك روح يومك كله عندها بس مايفهم تعبت والله مليت كل اسرار بيتي عندها طلعتي دخلاتي كل شيء تسأل عنه وش الحل معها لاتقولون كلميها كلمتها مره بأدب وكلام حاولت انها ماتشيل بخاطرها بس للأسف مانفع بيتها أوسع من بيتي ومافيه الا هي وثلاثة من عيالها بس مافي فايده بس يومها كله عندي وياليت ممدوحة ومقدرة لا مااشوف واسمع الا الذم من بناتها يبوني يوميا اربط عندها حسبي الله ونعم الوكيل بس هذا من غير تعليقها على عيالي خاصة ولدي لانه يزعجها بس تهاوشه طيب روحي لبيتك وارتاحي مِن الإزعاج فوق الضيق وصغر المكان حاشرتني حتى وقت الوجبات تجي بتقولون وحدانية وتطفش طيب ياما كلمنها تدخل تحفيظ بس رافضة وبعدين أنا ياما حرضت زوجي علي وياما تكلمت علي بس انا ماارد على عجوز اكبر من أمي