السلام عليكم
انا للحين مو مستوعبة الكلام اللي بقوله ولاني مصدقة اللي يصير معانا
انا يابنات تعببببببببببببت وماعاد فيني اتحمل اكثر
القصة ومافيها اخوي مدمن ونبغى نعالجه ومابيدنا حيله انصدمنا فيه انصدمنا خايفين عليه وخايفين من الفضيحه وهو ولاهمه مسكين مريض وماهو داري عن نفسه ولاعن تصرفاته تبدل حاله فجأة والحين لنا اكثر من ثلاث شهور من عرفنا عن ادمانه وماحنا قادرين نعالجه لانه رافض ويهددنا تهديدات غريبة مرة بيفصل من عمله ومرة بيتركنا ولاعاد بنشوفه واخواني مو قادرين عليه لانه عصبي عليهم ويكرهم كره كانهم اعداء له مو اخوانه
في البيت مافي الا انا وهو وامي وهو اللي يصرف علينا عشان كذا يهددنا يانسكت عنه يايفصل من عمله ونموت جوع
ومقاطع اخواني واخواتي ولا يبي فيهم سيرة وانا اقرب وحدة له حتى بالسن وكنت دايم قريبه منه واحاول افهمه وكنت ادافع عنه عند اخواني وابوي الله يرحمه والحين اخواني يلوموني انا وامي يقولو انتو اللي دلعتوه لحد ماضاع وهو الحين لايودي ولايجيب بس يعطينا مصروف وبس حتى اغراض البيت البسيطه اخواني المتزوجين هم اللي يجيبوها لنا لدرجة ان حريم اخواني احسهم بدو يتضايقو احسهم يقولو عندها اخوها بالبيت ليه ماتكلمه ليه تكلم رجالنا
ليتهم يدورن والا الحمد لله انهم مايدرون والا كان انفضحنا والمشكلة ماينشك فيه حتى اخواني يوم دريو انصدمو منه كانو يقولو انه مريض نفسي بس ماتوقعنا انه يتعاطى وامي احسها استسلمت للامر الواقع اهم شي عندها انه قدامها وتشوفه لانه يهدد انه بيتركنا ونموت ماشفناه
خلاص انا تعبببت واخواني سلبيين ما الوم اخوي يوم كرهم بس ابغى حل وش الحل
واخوي انسان محطم مرررة والله مايستاهل اللي يصير فيه
والله يدمر اللي دمره ضيع شبابه بالمخدرات
عبير نت @aabyr_nt
عضوة نشيطة
يلزم عليك تسجيل الدخول أولًا لكتابة تعليق.
امـ سعــوود
•
الله يفرررج همه
أم سآري
•
الله يفرج عليك مانتي فيه ويلهمك الطريق الصحيح
ياريت البنات اللي عندهم خلفيه عن هالمووضوع يساعدو ا اختنا
اطلبي من امك تدعي له بكل وقت
ياريت البنات اللي عندهم خلفيه عن هالمووضوع يساعدو ا اختنا
اطلبي من امك تدعي له بكل وقت
ما ادري كلمي اخصائي نفسي او كلمي شيخ او اي جهه ممكن تساعدكم
\الله يفرج همكم ويشفي اخوك
\الله يفرج همكم ويشفي اخوك
الصفحة الأخيرة