قصتي مع القولون


كنت مسافره 13 يوم وبعد مارجعت جلست كم يوم بديت ارجع ارجع ارجع شكيت اني حامل بس كنت واثقه انه لا


شوي شوي حسيت بتعب واسهال وترجيع لين طلع روحي حرقان وحموضه حتى احس معدتي توصل لحلقي وبطني فاضي



رحت الدكتور قالت لي جرثومه وماتحملت العلاج والي خلاها بعد ايام وايام من المعناه حبوب يقلل الحمض بس


بعدها قمت ابكي واصرخ اهلي مستغربين ليش يابنت تبكي قلت لهم ماحس بشي بس احس ضيقه واكتئاب


مادري شفيني حتى خذوني لحرمه تشوف عين ولا حسد مافيه الحمد لله رحت للدكتور اطمن نفسي


قالي قولون غازات متفجره بطني محبوسه جهه اليسار وشد اعصاب على كيف كيفكم بكتفي ورجلي


ماعرفت شسوي ماتيخرج مني شي اعتصر وزاد الالم من كل الجهات وتاليها مسك معي جهه اليمين


تقولون كلى قلت يابنت وش يقعدك روحي ورحت للدكتور قلت له الاعراض قالي تهيج قولون وغازات وبالنسبه للالم الي بظهرك


لازم ناخذ اشعه للمراره يوم ثاني وتكوني صايمه قلت اوكي يومها طبعآ من الم القولون ماجاني نوم ومن انام يصحيني شد الاعصاب

الي برجلي ؟؟؟ مستغربه اذا احد حصل له كذا يقول


ورحت سويتها قالي كل شي سليم كبد مراراه كلى بس غازات عندك


بس المشكله الخوف مطاردني والقلق كل شوي اقول فيني شي محتاره بعمري والمصيبه يابنات


اكلي مره قليل جدآ جدآ جدآ ومادخل الحمام تكرموا الحين لي 5 ايام مادخلت بس اشرب مويه ونعناع وشمر جربته


وصرت اخاف ليه مادخل اتخلص هل هو يعتمد على اكلي ؟؟؟؟؟ اوسوس ابي ادخل


يابنات انا عروس لي 3شهور وربي مارتحت بشي رحت شهر عسل ورجعت كذا حالتي


ودي اصبر بس الخوف يابنات حتى لو كان الالم خفيف احس نجي لي لحظات يخطفني التفكير


قاعده عند اهلي ومخليه زوجي الي كاسر خاطري اخاف اروح الشقه واقعد بروحي ؟



ااااااااااااااااااااااااااااااااااااااه بس لو فيه مسكن يجيب الالم ماشكينا بس شنقول الله ارحم

أمواج حائره حاولي تأخذين مهدئ
الله يشافينا يارب وان شاء الله تكفير ذنوب هو كذا القولون إذا هاج الله المستعان
بس مين الحرمه اللي رحتي لها وهل هي زينه؟

بنات في شي ثاني .. مرات احس نفس الحركه بحنجرتي و مرات احس قلبي بارد و مرات احس الم تحت القلب ..

تدرون شنو الغريب بالموضوع ان انا واختي وابوي جتنا الاعراض مع بعض .. بس انا على اقوى يمكن لاني حساسه واي شي يزعلني

الله يشافينا جميعا

بنات انا مو عارفه اللي فيني اذا كانت اعراي قولون قولولي

انا تعبت في شهر 6جاني الم في كليتي اليسار عصرني الوجع ربع ساعه شربتكاسين ماء وخف علي شوي شوي

اختفى الوجع الين بدايت رمضان
ثم رجعلي الوجع مغص في جنبي اليسار نفس الجهه الم شديد شفت الموت بعيوني لدرجه ماشوف اللي قدامي حتى اعرق من الوجع
رحت للستشفى سوولي اشعه للكلى وقالتلي الدكتوره مافيك حجر ولاشي بالكله محتمل املاح وماسوتلي تحليل بول
اعطتني مضاد وابره مسكنه وفوار اخذته لمده اسبوع

اختفى الوجع شوي شوي
ويجيني مرات واتحمله

بس ليلة العيد رجعلي اعصار الوجع وكالعاده ماتحملت ورحت لمستوصف سوالي تحليل بول وقالي عندك التهاب بسيط

وعطاني مغذيه وفيها مضاد ومسكن وصرفلي فوار فيتامين سي
وبس

وصار الالم من بعدها مستمره جنبي اليسار بس يوجعني ومن اسفل بطني ولما اروح للحمام احس ودي اخرج بس ماني قادره هذا لما اتعب مره وحالي وسط لااسهال ولا امساك مره وش كمان
عندي حرارهفي البول بس اشعر بالخوف والقلق لاني خايفه من انه ترجعلي حالة الاعصار
نوروني وش فيني

كله مقدر ومكتوب .. اللي فيج مو قولون حسب خبرتي والله اعلم ..

انا اقول كثري شرب الماي .. سوي نفسي انا شريت كرتون ماي صحه و حطيته بغرفتي عشان ما انسى اشرب .. و المفروض تشربين ١٠ قلاصات باليوم .. كثري شرب الماي اسبوع عالاقل وشوفي يمكن يخف العوار