وش الحل مع الام والخوات اللي كذا

السلام عليكم
الموضوع خاص جدا ولا احب افتحه مع احد
وامثل القوه بس هو شي يجرح
انا ولله الحمد راضيه عن شكلي وجدا مقبوله
يعني شكلي تقولون مملوحه
لكن بيئتي خواتي كلهم فيهم جمال
وعمري ماحسدتهم بالعكس اعلمهم شكلك
حلو يطلع كذا
حطي كذا تطلعي حلوه يعني اعلمهم
بالمقابل اولهم امي للاسف دايم احس تستنقصني
بدون قصد
احيانا تغلط بكلمه وانا فاهمتها
امي مو قصدها بس غصب احس بدون شعور
تتكلم
مثلا مره كنت اتكلم عن صبغه شعر
مره تجنن على بنت من اقاربي قلت بصبغ مثلها
قالت امي
لا ماتناسبك هذيك طالعه حلوه عليه لانه هي حلوه
البنت طنشت
اللبس دايم خواتي وامي
لما البس شي ان عاجبني
مايناسب جسمك
مايناسب لونك مره مسمرك ترا
مهما اسوي مكياج اهتمام يحسوني
شينه مع اني يابنات ماكذب عليكم جدا جدا
مقبوله وكلي ملح
لدرجه مرت جيراننا زمان ماشافتني سنين
يمكن عشر سنوات يوم شافتني قالت وش ذا
طالعه ناعمه وشكلك كيوت بقوه
واتذكر مره سويت ليزر ونفر وجهي حبوب
جت امي قالت ايه ماناسبك
مادري تقصد انه ماناسبني سبب لي حساسيه
وحبوب او انا متحسسه وحسيت انها تقصد
ماناسب لو بشرتي
ودايم كل ماسويت اهتمام حمام مغربي واشياء كذا
وليزر ترمي كلام قوي امي زي
ماكانك مسويه شي
ماوضح شي
خساره فلوس ع الفاضي
بالمقابل خواتي لو يسون فتله او شي بسيط
تقطعهم امي مدح
وخواتي نفس الشي مثلا صلحو شي
رحت من بكرا سويت
يقولو تقلديننا ؟؟
وش دخل اقلدكم مره قلت اثلا انا اول من قال بصلح
ورحتي قلدتي يافلانه وصحيح كلامي واسكتت
ماحب اسلوب البزران والذل علمتك وقلت لك
لكن احيانا تنجبري تتعاملي كذا
زي موقف ثاني عندنا وحده كوفيره
مشهوره تصلح مكياج بشكل خرافي
ورحت لها وسويت وطلع حلو وكلن سالني عنه
الا امي وخواتي بالذات امي اسالها تقول عادي مو مره
طنشت
جاء عزيمه زواج لامي وجالس تقولنا
ابي كوفيره حلوه قلت روحي للي صلحتني هذيك المره
قالت لا لا ماعجبني ابد
جت اختي قالت ترا هي اللي مسويه فلانه مع حبيبه
بالزواج< هذي فلانه قريبتي ملكة جمال
قالت امي جد هذا شغلها على فلانه قالو خواتي ايوه
قالت خلاص احجزوها لي !!
زي ماقلت لكم مهما اسوي مهما اهتم
خواتي وامي بالذات ماتشوفني شي
وقسم تحسيني احيانا اني وحده قبيحه
مع اني كم مره اصارح ناس قريبه مني
ويعطون بالوجه
ايش اللي تحسونه غلط فيني
انا بهالشين اللي امي جالسه تحسسني فيه؟
وحده من صديقتي وتصير اختي من الرضاعه
تقول قسم كلك انوثه وشكلك كانك ام ١٨ مره صغير
وبنات عمي وصلني كلام يتكلمون فيني عند خوالهم
ان فلانه يقصدوني بقوه كشخه وكيوت يعني يلاحظو
اني اهتم ويلاحظو التغير
ليه طيب خواتي وامي ليه كلن يلاحظ الا هم
وش الشي اللي مخليهم يتعاملو معي كذا
هل لاني اقل خواتي جمال؟؟
او فيهم عشق للجمال ويحسون الاهتمام والكشخه
بس للجميلات مو قادره افهم
كل ماصارت ثقتي كويسه
وصارت فوق لازم لازم يصير موقف
يكسرني انا لو الله يفكني من كلام اهلي
قسم كان مافي وحده قد ثقتي