وش الحل مع الزوج المنتف ماديا

مدري وشلون ابدا
انا الان مره طفشانه واذا مافضفضت معكم بسوي مشكله مع زوجي
مشكلتي ان زوجي دايما ظروفه زفت من يوم عرفته والله مامر علينا شهر بدون ضغوطات ماديه 6 سنين طقت كبدي والله مليييييييييييييييت
ولو اقولكم عن راتبه بتتعجبون الراتب 9000 نصه يروح اقساط والباقي والله بيكفي ويوفي اذا عرف يدبره لكن للاسف يحب الدين مايرتاح اذا ماكان عليه ديون والبيت ملك والحمدلله لوانه اجار مدري وش بيصير فينا
واذا بغيت منه شي للبيت مثلا تحف لازم اطلب قبلها بسنه والله العظيم مابالغ وربي شاهد علي في اول زواجنا بغيت اغير المفرش حق السرير وقعدت اطلبه سنتين وربي علي شاهد اني ماكذبت
وقبل سنه طلبت منه تحف للبيت وثريات لاننا لنا 5 سنين معمرين فوق اهله دور ( لاحظو 5 سنين بدون ثريات )
المهم قعدت ازن على راسه عشان التحف وقال كم يكفيك قلت 3000 وبعد 6 شهور وداني السوق اشتري تحف وثريات وتدرون كم عطاني فلوس؟؟؟؟؟؟؟؟؟؟؟؟؟؟؟؟؟؟؟؟؟ 1500 فقط
والله مليت منه وفوق كذا عمره ماحسسني بالاستقلاليه دايما مع اهله في روحاتنا وجياتنا وسفراتنا
قولولي كيف اتصرف معه
معي حق اذا ما حبيته؟؟؟؟؟؟؟؟؟؟؟؟؟