الله يشفيه ويعافيه ويخليه لكم خلو اكله على فترات متباعده وياكل اشياء خفيفة ولا يكثر ويسترخي بعد الاكل وابعدوه عن كل الروائح اللي تضايقه والقهوه والشاي ممنوعه ودائما يحط في فمه شى مثل العلك او الحلاوه

ياقلبي الله يحفظه يارب ويشافيه ويعافيه اعطوه زمزم وابعدو عن المعطرات الي يتغثا من ريحتها والاكل سلطات وشوربه من غير دسم
والف سلامه للوالد

والله نفس ابوي قاعد ياخذ الكيماوي ونحف حيييييييييل وتعبان اسم الله عليه صار يهلوس
حالته حااااااااااااله يارب يشفي ابوك وابوي وكل مرضى المسلمين

ويصبرنا على مابتلانا ويجعل مصابهم تكفير لخطاياهم

الله يشفي والدك وجميع مرضى المسلمين .... اللهم آمين

اختي استشيري الطبيب المعالج يكتب له مضادات الغثيان وموانع القيء.
بالنسبة للاكل اذا ما يشتهي فيه حليب بودرة خاص للمرضى فيه كل العناصر المغذية يباع في الصيدليات. والاحسن استشارة اخصائية تغذية تفيدكم اكثر وتوصف له فيتامينات


بالنسبة للاكل وقت اللي يكون عنده موعد جلسة لا تخليه ياكل الشي اللي يحبه, ولا تطبخون وقت مايكون حاس بالغثيان لأنه بيرتبط في ذاكرته لا اراديا

خلي الاكلة اللي يحبها فقط لما يكون عنده شهية عشان لا يكرهها


اذا خسر وزن كثيير لازم يرجع للمستشفى يحطون له انبوب تغذية والله يكون بعونكم ويشفيه يارب