وش الحل مع الغيره

شلوووونكم
بااختصار انا صايره من تالي اغار حيل ع خطيبي
مين فيكم مرت بهذي الحاله ماكنت احسب عمري من النوع الي تغار اوتتضايق وانقد دايم على الي تغار ع زوجها من اهله اواي احد اوتشغل نفسها بالزوج لين انخطبت وحسيت بشعور الغيره
لوينشغل اتضايق ويجيني خوف وقلق
اخته تزوجت ٣ مرات المره الاولى تزوجت واحد مدمن وكانت بتورط خطيبي بقضيه هي وزوجها وكان يضربها وياذيها وخطيبي حماها منه وقاله يطلق اخته وراحت من وراه ورجعت لزوجها المدمن وسرقت فلوس خطيبي واعطته رجالها المدمن والمره الثانيه جت عنده تطلب المسامحه واشتكت انه ضاربها قالها خطيبي خلاص نطلقك منه وسامحها وتطلقت فعلا وجاب لها عريس من خيره الرجال طيب وولد ناس وخلوووق وملكو ع بعض ودخل عليها واكتشف خطيبي انها تكلم طليقها الاول وانها قبلت تتزوج عشان ترجع لطليقها الاول وطلقها زوجها ورجعت للطليق وبعدها جلست معه ضربها وبهذلها وطلبت الطلاق وتطلقت
بعدها تزوجت وجابت طفلين وتوفى زوجها
وخطيبي رعى الطفلين صارو ينادونه بابا ومسؤل عنهم
ويجيبهم للمدارس وكل شي وتزوجت واحد متزوج هي زوجه ثانيه وجابت طفل من زوجها ولكن متزوجها بالسر ع اساس بعدين يعلم زوجته وصاير يجيها فترات ولكن موشايل كل مسؤليتها
وهي معتمده تماما تماما ع خطيبي بكل شي يودي عيالها للمدارس هم ايتام واحن عليهم ولاعندي مشكله ابد لكن هي ٢٤ ساعه ترن عليه وتطلبه كل شي ورايح جايي عليها لدرجه حسيتها مستحوذه تماما عليه ماغير رايح جايي يودي ويجيب ويحط ويسدد ورايح جايي وجواله على مدار الساعه تتصل به ويحكيلي انها جدا متعلقه فيه مع انها ع كلامه دمرت حياته وضحى من اجلها كثير ولازال يضحي لانها اخته الشقيقه الوحيده وعاشو طفوله صعبه وسالفه طويله مابي ادخلكم بتفاصيلها
لكن فكرت لو تزوجنا ايش بسوي اخته ٢٤ ساعه مشغلته سواق عندها ورايح جايي والجوال مايوقف ابدا كل ساعتين ام فلان تتصل
انا والله موضد هذا اخوها ومهما كان يضل عزوتها ولكن انا وين مكاني من الاعراب راح اكون ع الهامش لان اخته وعيالها ماخذين كل وقته وطاقته وكل شي تحتاجه رايح جايي لهم وزوجها مايساعدها بشي ابدا


غير انه كان مملك ع وحده قبلي تصير بنت عمه وانفصلو وساكنين شقق متقابله وبالرايحه والجايه اكيد يشوفها اويسمع اخبارها وطبيعه عايلتهم اجتماعات كل اسبوع مره ببيتهم مره ببيت عمه وحتى طلاق بنتهم مااثر بالعلاقات ابد الله لايفرقهم لكن تعبتني غيرتي موعارفه شسوي