وش الحل مع الناس النشبة

مراحب بنات كيفكم بدخل دوغري للموضوع وش الحل مع الناس النشبة جد الجد الي تصرفينهم مره مرتين خمس عشر ومازالت ترسل بجيك الواحد يصير فيه ذره كرامه جاره جديده وماقصرت معهم ارسلت لها قهوتها وفي للعيد عيديات لكن زوجي رافض اتواصل معها زيارات فكل مره تقول بجيك اقول لها عندي ارتباط وانا اذا صرت فاضيه بقولك ولاتتعض ترسل فاضيه بجيك قلت لها انا بعطيك خبر غثت امي المهم ذاك اليوم زوجي معزوم ويطلع يوم كامل قلت فرصه اقولها تعالي دامه مو موجود ولايدري وافتك من جيتها المهم قالت مااقدر معزومه لكن إذا جيت من العزيمه بدري جيتك ماشالله عليها لها خلق طلعتين قلت مافيه مشكله تعالي المهم ارسلت لي يوم جت على العشاء وانا اصلا ماتوقعت ترسل هالوقت بتجي توقعت تعلمني على المغرب فما شفت رسالتها الا متأخر وتعذرت منها توي اشوفها وانك تأخرتي علي وياخسارتك ومن هالكلام قلت لهل خلاص انا اعلمك اذا صرت فاضيه ارسلت لك ابد يومين ترسل فاضيه بجيك حومت كبدي وين الكلام وين تعلوم ماأحب اجرح احد او أضيق صدره وش الحل عجزت تفهم تصريفات