وش الحل مع امي

بنات قسم بالله تعبت وش الحل مع امي؟؟
عمري ٢٩ سنه وللان امي تعاملني كاني
ام عشر سنين حتى لما لقيت الوظيفه
كل شوس تدق علي وترسل تبكي ارجعي ارجعي
تبغاني طول الوقت عندها اقسم بالله كل بنات
اقاربي بعمري اللي ابتعثت واللي تزوجت بعيد
واللي توظفت بالجنوب الا انا
لدرجه قلت لها مره انتي انانيه
لين متى كذا بتجلسني يعني ترا حتى الزواج
لو جاني احد من بعيد تنكد علي لين ارفضه
تبيني عندها بنفس المحافظه لدرجه لما قلت لها
صارت مشكله بدوامي وبتركه لو تشوفون للفرحه
والوناسه اني برجع
اول مره اشوف ام كذا اللي اعرفه الامهات يبغون
عيالهم يتعلمون ويتوظفون مو يربطونهم عندهم
والله للعظيم يابنات شخصيتي كاني ام عشر سنين
والسبب احمله امي
ماعرف شي ولا اعرف اتصرف امي هي تتصرف وتسوي لنا وكل شي عودتنا
على كذا لدرجه لما داومت واختلطت بالناس حسيت
جايه من عالم ثاني ماعرف اتكلم ماعندي شخصيه
ماعرف ارد زي الطفل الضايع
امي تحسب بهالحركات انها تحبنا
مادرت انها ضيعتنا للاسف
ولما قلت لها صح اني بترك هالوظيفه
بس بدور غيرها رجعت نفست وتبكي !!
يعني اذا هم عايشين بمحافظه مستحيل القى
فيها شي اجلس طول عمري بالمحافظه عشان
ماتصيح ولا تنفس ؟
طيب ليش الانانيه يعني ابوي وامي كبرو وعاشو
كل حياتهم ليش رابطيننا بالذات امي
ابوي قالي روحي دام لقيتي روحي ويكلمني ويسلم
ويسكر لكن امي تكلم تسوي مناحه وارجعي
وتدعي على اللي قبلوني وتسكر هذا كان وضعها!!
والله يابنات بالدوام يقوبون لي وش فيك
متوتره وش فيك مستحيه ياربي شخصيتك مره
تستحين ولا تقدرين تواجهين الناس كل كلامهم
كذا ولا الومهم لاني صدق انا كذا