وش الحل مع امي واختي 💔

متضايقة بنات كثير ابوي متوفي الله يرحمه و أمي الله يهديها ترفض اي احد يتقدم لي يشهد الله خطبني الضابط والدكتور وترفضهم بدون ترجع لي وبالصدفة اعرف اذا احد خطبني ولقيتها ترسل لاخوي بالواتس بوقت خطبتي اني رفله ومو محترمه ولا متربية واني افشل ومو حق زواج خلونا نرفضه كلام اوجعني واحرق قلبي وانا يعلم الله يبنات اني سنعه وست بيت
ماقدرت اسكت وقمت صارحتها ليش تقولين عني كذا وانا شايله البيت كله على راسي وانتي تزوجتي مافكرتي ان عندك مراهقين محتاجينك وتطلقتي الحين ورجعتي باختصار ردت مالك دخل بحياتي المهم ندمت اني عصبت على امي بس انا مقهورة على مستقبلي ما بقى شي على الثلاثين وابي اتزوج ابي اعف نفسي الحرام صار بكل مكان والرجال ماعاد به احد صاحي والفرص صارت تقل خصوصا اننا ما نروح ولا نطلع للناس تعبت جاتني عقدة من الزواج بسبب تفكير أمي .. زود على كذا اختي كبيرة بالاربعين ما تزوجت دايم تحرض امي اني ما اتزوج واذا سمعت اني انخطبت انهارت وتبكي وتحلف وتتوعد ماراح تتم خطوبتك بنات هل ممكن اموري متعطله بسبب نفس اختي؟ احس ماراح اتزوج بسببهم مانعين رزقي واذا تكلمت ونشبت اني ابيه قالو عني مشفوحه على العرس
ليش اهلي يكرهونا بالحلال اجل وين نروح وش نسوي اذا الحرام صار بكل مكان والحلال صار صعب نوصل له !؟ وامنيتي اكون ام 💔
وش التصرف الصحيح يبنات مع امي واختي