وش الحل مع امي وقطيعتها لي بالعيد

السلام عليكم
قطيعة امي للحين مستمرة من رمضان وبدون اي سبب مقنع والله
امس باركت لها بالعيد وطبعا ماردت ولا بحرف
قلت لها اني بزورها اليوم عشان ابارك لها العيد
قالت لي لااا لاتزوريني انتي ولا عيالك ولا زوجك
كسرت بخاطري على ليلة العيد الله يسامحها ويرزقني برها
بس مع كذا سويت لها هدية امس ورحت لها اليوم العصر بس زوجي مادخل راح مشوار
وليتني مادخلت يابنات
لا ترحاب ولا شي بالموت لاخلتني ابوس على يدها وبالمقابل اخواتي البنات كل ماتدخل وحدة هلت بالتراحيب لهم ولعيالهم وقعدو كلهم سوالف وانا مثل المزهرية 😂😂😂 الكل مو طايقني
وطبعا السبب اني مزعلة مرت اخوي مع انها هي لي تعدت علي وعشان مشكلة قديمة مع اختي وامي واقفة بصفهم ومخلية الكل اخواني واخواتي يقاطعوني
طبعا ماخلت الجلسة من اهانات ونغز بالكلام لي ول زوجي بس طنشت كله عشان رضا امي
حتى العيديات وزعهم اخوي على كل العيال وعيالي لا وقدامهم ولله الحمد مو محتاجين حاجة من احد ابوهم عندهم ومو مقصر
ماقدرت اكمل ساعة الا وطلعت على طول مع زوجي وانا متضايقة وهو يضحك يقولي انا قلتلك سلمي من عالباب اسلم لك ولنفسيتك