وردة نت @ord_nt

كبيرة محررات

وش الحل مع بقع العنقز البنية

السلام عليكم ورحمة الله وبركاته

اخباركم يا امهات

بنتي جاها العنقز من 6 شهور تقريبا وكانت مرة قووووية وحباتها كباااار ومليانه موية ,,,, اول مره يمر علي كذا

الان لازال بقع بنية مو حفر لا بس بقع متلونة بالبني وكثيييير مو وحده ولا ثنتين

وهذا اللي مقلقني خصوصا انها بنت

كانوا يقولون ان الاثار تروح بعد السنة

بس ما ارتحت لهالكلام ومتخوفة اني اتاخر لعلاجها ثم اتحسف بقوة وتلومني بنتي وما الومها

بطنها وظهرها مليانه وواضحة مرة

عمرها 8 سنوات

احد مر عليه كذا ؟؟؟
وهل تحتاج تدخل طبيب ؟؟
او تروح من حالها ؟؟؟

وش تنصحوني به

يجزاكم ربي الجنه

يلزم عليك تسجيل الدخول أولًا لكتابة تعليق.

تسجيل دخول

فواحه مرتاحه • 13 سنة

نفس الشي مع ولدي عمره 8 وجاه العنقز قبل شهرين والاثار الى الان موجوده
ان شاء الله اذا كبروا يخف

As usual • 13 سنة

اخوي جاه العنقز وكان عمره 9سنوات وقال له عامل هندي لما شاف العنقز بوجهه لا تغسل وجهك بمويه ترا يكون فيه أثر وبعدين مايروح.. وفعلا اخوي كان يغسل بمويه والحين عمره 21 والآثار بوجهه ووووواضحة..

وردة نت • 13 سنة

اشكركم على المرور

واطمع بالمزيد

ما اذكر انها تغسل بموية كثير بالعكس وقفتها عن التروش لانه كان شتاء

ولا تحك يعني هو مو ندبات ولا حفر

لون الحبة ما راحت

احسه مشوه جسمها كلما جيت اروشها يضيق صدري عليها

@ الجوري @ • 13 سنة

بنتي جالها العنقز وعمرها 3 سنوات لعب فيها لعب كل جسمها نقط بنية كبيرة وتركتها ما استخدمت شي والحين عمرها 6 سنوات ماشاء الله ومافي اي اثر للعنقز بجسمها خلال سنة وشوي راحت الاثار
يعني اتركية مع الوقت يروح

مشاركة2009 • 13 سنة

بنات عمي في سني 20سنة وجاهم العنقز عدوة من اخوهم الصغير تخيلي

وقابلتهم اخر مرة وراحت الاثار معنة قبل شهر جاهم
بس راحوا المستوصف واعطاهم مرهم يزيل الاثر

***** الله اكون افدتك