الله يفرج همك ويسخر لك زوجك ويبعد عنك الشر واهله

تبين الحل المريح اقري كلامي بكل عقلانية
خالتك ام زوجك مابتنتهي سيرتها الا اذا حصل طلاق لاسمح الله لانها امه مجبرة انتي بسيرتها كل العمر
ودائما في هذا الحال انظري لايجابياتها وانسي سلبياتها ..انا وماعرفها طلعت لها ايجابيات كثير بس لانها ام وخالتك كيف انتي الي معايشتها ؟؟

عندك نقاط لو سويتي شيء منه انتي وزوجك ماعليكم كلام .. والجنة تحت اقدام الامهات ..امه لوتدعي عليه دعوة مابيتوفق وانتي المتضرره..

شوفي انا برايي عيب عليه يمشي زوجته وامه فوق مايقولها كلمة ولو بالكذب يمه حياكي معنا
..
واكيد قبل الزواج كان يمشيها ويجيب لها هدايا
..
لو امك كانت عايشه مارضيتي اخوكي يسوي فيها كذا
..
زوجك لولا خالتك هذي الي تقولين انها مخليه عيشتك مثل النار ماجا هالولد وتزوجك
..
خالتك هذي باصعب ظروفك انتي شهدتي لها طلعتك وخلتك تنسين وفاة امك الله يرحمها وفرحت قلبك
..
اسالك بالله الذي لا اله الاهو ماتستاهل منك دعاوي الا تستاهل عيونك بعد
..
الولد الي يسافر ومايتذكر امه بهديه ماهو رجال
..
شوفي كلامي هذا هو الواقع 100% وانتي اذا هي غلطت عليك ام وتحب ولدها وتغار وبكره بيجونك عيال ويسوون فيك مثل ماتسوين خير او شر ..
..
وش فيها لو اخذتوها تمشونها مرتين بالشهر؟؟؟
.. ريحة امك رحمة الله عليها وهي امك الحاليه
..
وش فيها لو تذكرينه يجيب لها هديه؟؟
..
وش فيها لو تطبخين الغدا وتتغدين عندها ؟؟
..
صدقيني زوجك مابيرتاح ولابيهدا له بال ممكن يمثل انه مبسوط معك لكن قلبه نار على امه الا اذا كان انسان عاق وهذا شيء مستبعد واللي مافيه خير لامه مافيه خير لاحد ..الايام كفيله باثبات صحة كلامي
..
حبيت اقول كلام خارج من قلبي

وكل انسانه لها منطق وكلام..
كفت الاخت ووفت اسمعي كلام اختي بنت المشاعر وروحي لخالتك وتفاهمي معها وقولي لها ياخاله انت من الان امي وماني مسميتك خاله ابغ اسميك امي اللي فقدتها وانا في امس الحاجه لحنانها وحبها انت من ريحة امي ياامي وتشوفين اذا ماتغيرت وخلي زوجك يسمع كل كلامكم عشان ماتكذب عليك والله يسخر لك خالتك ويهديها يارب ويسعدك انت وزوجك امين

الله يعينك والبنات ماقصرو

والله ياعمري مقدره معاناتك بس لو تسمعين الي عندي كان تقولين انابخير
بس طنشي لانها بتنجن لين شافتك مطنشه