وش الحل مع زوجي

يابنات انا خلاص مليت - كل شي سويته مافي فايده طفشت مليت طنشت تكلمت سويت نفسي زعلانة ماعندك احد السالفة ومافيها اني متزوجة وعندي طفلين بس من بعد ماجاء الثاني من خمس شهور وزوجي ساحب علي ماكان كذا كان يحب يجلس معنا يسولف يونسنا اصلا اذا كنت معزومة سواء عند اهله اواهلي او اي احد اعد الساعات والثواني لين ارجع البيت معه لان زي ما قلت هو يونسنا في البيت ويجيب فصفص وبيبسي وشوكولاتات وافلام ومسرحيات عشان نتابعها مع بعض بس الحين اااااه افتقدته بقوة انا احبه اموت فية وهو اكيد كذا بس انه من بعد ماجاء طفلي الثاني انقلب 180 درجة يحب الوحدة والعزلة على فكرة هو يدخن بس مو قدام عياله عشان صحتهم وعشان متنهز شخصية قدام بنته لانها تحبه وتموت فيه عمرها خمس سنوات يدخن في المجلس بس الحين صار بشراهة وينسى نفسه اذا راح المجلس يقعد يدخن ويدخل النت وانتوا عافين النت بس انا اثق انه مو راعي بنات بس راعي مواقع....... وهو عارف اني اعرف بها الشي وتكلمت معاه اني صرت اتضايق من جلسته لحاله وتهاوشنا قعت اسبوع ما اكلمه بعدين راضاني بس مازال على وضعه هذا الكريه وصرت اروح اجلس معه واخلي عيالي في الصاله لحالهم واجي عندهم وهو شوي بس حرام ما اروح عند الصغير الا هو مات من البكى واخته طبعا ما قصرت معه تطفشه لين يبكي وحالتي حالة اداري مين والا هتم في مين والا اطنش مين لا تقولون طنشي انا ما اقدراطنشه وشغالة كمان ما اقدر فكرت اروح لاهلي بس بيفضى له الجو وياخذ راحته على الاخر صديقتي تقول يبي له صبر لانك اهملتيه فترة حملك وهو فعلا اهملته لاني كنت تعبانة وكنت اجلس عند اهلي بالاسبيع فتخيلو فترة الحمل وفترة النفاس بس على فكرة كان وقت النفاس مرة مشتاق لي بس اول يوم وبعدين خلاص وعلى فكرة هو مومقصر لافي اكل ولا لبس ولا شي الا اني فاقدته وبقوة وش الحل معليش احس اني كتبت كلام كثير بس لاني توي خلصت صياح وبكى على حياتي ودعيت ربي اقوم الليل واقرا البقرة يوميا بس ما ادري وش الحل ..........................على فكرة يابنات ترى ماعرفت اغير التوقيع من يوم ولدت يعني لا تحسبوني حامل