وش الحل مع زوجي

السلام عليكم
بقولكم السالفه باختصار انا زوجي جدا نكدي تخيلوا يابنات والله في كل شي منكد علي دايم يرفع صوته ويصارخ انا امس كنت تعبانه مزكمه وحلقي يوجعني وسخونه وفوق هذا كله عظامي توجعني عشان الأنيميا كنت اكثر وقتي نايمه ماقدر ارفع راسي صداع مره اليوم الصبح رايح يودي ولدي المدرسه قال جهزي نواشف وكوب شاي جهزتها ورحت نمت بعدها اتصل على ٤ مرات انا نايمه والجوال صامت وهو اصلا في الغرفه الثانيه يعني مايحتاج اتصال المهم يابنات فجعني والله العظيم باب الغرفه مفتوح كله دق بيده كلها عليه ويصارخ انا قسم بالله انفجعت احسب صاير شي ويقول هييي انتي نايمه الليل والنهار وانا اليوم اجازه جالس وش اسوي ليتني داومت هو ماخذ الاجازه عشاني لا عشان المباراااه وانا سمعته يقول وقبلها تخيلوا قلت اسوي لك عشا قال لا انا بجيب وانتي عليك الفطور قلت طيب جابه وهو في الصاله وانا في الغرفه نادا علي بصرااخ مثلا اسمممماااااااااااء جيبي لي عسل ورحت اجيبه تخيلوا دفني واخذ العلبه مني انا جلست صنم ماعرفت ايش ارد ايش اقول رحت الغرفه وبكيت بعدين بعد ماتعشا جا خير ليش ماتجين العشاء قلت مالي نفس وقبل اسبوع كنت بزور اهلي قلت ودي لأهلي قال يلا امشي وانتي مالك شغل فيني ماتدخلين فيني طبعآ كل هذا عشاني قلت ابغى عند اهلي مابغى اجلس معك في البيت وكثير مواقف زي مثلا انا انا دقيت بساله وش تبغى غدا يقول الله يرضى ع فلانه مغديتنا يقصد زوجه زميله في العمل تعبت من ذا الأسلوب كلمه حلوه ماسمعها منه عطوني حل كيف اتعامل معاه طبعا هو مسوي انه انا الغلطانه انا نمت وهو صاحي طيب انا تعبانه وانت شايف حالتي لا مافي رحمه والله يابنات راح جاب دواء لزميله وانا تعبانه عنده ماجاب لي لو كأس مويا جيت عنده قبل شوي جيت بمسك يده قام وبعد يدي منه اسلوبه ابد لا احترام ولا تقدير طفشت منه 😔💔