وش الحل مع زوجي

السلام عليكم ورحمه الله وبركاته
اخواتي انا اعاني من زوجي في كل شيء معاناه
انا زوجه ثانيه وعندي ثلاثه اطفال وكبروا الله يحفظهم وعنده عماره ملك
ساكنه انا بالدور الارضي لاكنه ضيق علينا كانه شقه طلبت منه يوسع علينا من سنين وانا اطلبه ضيق البيت واثاثه قديم ووعدني واخلف بوعده طبعاً احاول معاه بكل باللين والرسايل لانه مايتفاهم ابدا ولا يحب الحوار كذا شخصيته يهرب عند اول نقاش المهم حلف مايوسع علينا انا زعلت وكلمت اخوه يكلمه كلمه اخوه ماقصر وقال خلاص بعطيك الدور الثاني والمجلس والمقلط من الدور الارضي
قلت ماينفع لازم المطبخ تحت كيف اطلع وانزل
والغرفه صغيره حتى المقربات مني يقولون مدام بيتكم ملك افتحوا الدور الارضي على العلوي وتوسعوا لانهم شايفين الضيق
والله مطبخي ظيق جدا
هوه قاسي وماعنده مشاعر لا ليه ولا لااطفالي
يقول والله مااسوي الا اللي ابي والا اطلقك حسبي الله عليه صابره لاني احب اطفالي وابي اعيش معاهم وانا الاب والام في حياتهم ولدي دايما يقولي ياماما اطلقي منه خلينا نعيش مع اب غيره
اللي جرحني زياده انه من سنوات كانت زوجته الاولى تقول له يطلعني اجار وهيه تاخذ العماره كامله دورين وملحقها
وهيه ساكنه في الدور الثانيه مع الملحق وامه بالدور الارضي
لانه عنده عمارتين جنب بعض
وهو يجي يكلمني ورفضت طبعاً اخرج من بيتي الملك للايجار؟؟ وكيف تقبلها علينا انت؟؟
اللحين صار له فتره مايجينا ولا نكلم بعض فقط رسايل للضروره
وهوه جاب عمال وسوا زي مايبي في الدور الثاني حتى انا ماخلاني اختار السيراميك والدهان كل شيء على ذوقه
والله يايبنات اني صابره ودايما ابكي واحزن على نفسي وعلى اطفالي علماً اني تزوجته مطلقه وبيننا ٢٠ سنه فارق عمر
يابنات تعبت كيف اتعامل مع ذا الانسان
والله ماافرح بشيء يستاهل معاه
حسبي الله ونعم الوكيل فيه
تعبت جسدياً وصحياً وعارفه انه الله راح يعوضني خير لاني صبرت كثييييير
دعواتك يااخواتي الله يفرج همي