وش الحل مع سواد المنطقه الحساسه وربي تعقدت

السلام عليكم ورحمة الله وبركاته
بنات ابيكن تساعدوني أنا تعقدت من السواد الي في المنطقه الحساسه وربي تعبت الخلطات الطبيعيه مانفعتني لان السواد مستعصي بالحيل كان ودي أستخدم الدوكين 4 للمنطقه الحساسه لحاله
لاني أنا قد مره جاني سواد بقدم رجلي ورحت لدكتوره ووصفتلي الدوكين 4 مع كريم أسمه ديبروساليك
ومالقيت في الصيدليات الا كريم الدوكين أما الديبروساليك مالقيته بعدها أستخدمت الدوكين لوحده ع قدم رجلي وقالتلي الدكتوره بعد أسبوعين من استخدامه راجعيني و بعد اسبوعين حسيت السواد الشديد الي برجلي صار اسمر ع أحمر وفتح شويه ورحت لها وقالتلي اني استخدمه يوم ورا يوم لان اكثر الكريمات من هاذي النوع تستخدمينها اسبوعين ورا بعض بعدها تقللين يوم ورا يوم
وجلست شهر ع هالحال وحسيت طبقة السواد الي بقدمي راحت صار فيها برص الي هو البهق وبعدها تركت الكريم لان السواد خلاص راح ولا عالجت البرص الي جاني
وبعد أسبوع على طول بدأ لون جلدي الطبيعي يرجع من غير سواد وهالسالفه صار لها سنتين والحمد لله أنا حنطيه وجلدي ماتغير لونه ابدا والسواد مارجع ابدا الى الان
والحين انا ابي استشيركن ودي أستخدم الدوكين لحاله ع المنطقه الحساسه بس المشكله السواد الي في المنطقه الحساسه قديم مره ومستعصي أما الي في قدم رجلي عالجته بسرعه مجرد ماجاني السواد
لاني رحت وقلت لابوي .
أما السواد الي في المنطقه الحساسه سكت عليه وأستحيت ماقلت لحد يمكن من يوم أنا كان عمري 14 والحين عمري 19 داخله العشرين
وزواجي في شوال وابي السواد ينزاح الله يخليكن ساعدوني ابي حل ياحلوين وماأبغى خلطات طبيعيه لان السواد قديم ماينفع معه الا الكريمات وأبي خلطات مجربه مو منقوله عشان انا استفيد والكل يستفيد من هالموضوع وع الاقل الي تدخل ترفع الموضوع وربي محتاجه