اكره حمولتي @akrh_hmolty

عضوة فعالة

وش الحل مع شغاله امي عذبتنا والضحيه امي واحنا ...!!!

هذي مشكله لجارتي عطيتها معرفي تكتب مشكلتها
واتمنى تساعدونها وتدعون لها

السلام عليكم ورحمه الله

بنات مالقيت الا انتم تحلون مشكلتنا انا وخواتي اتمنى تساعدوونا بحلها وتدعون لنا

شغاله امي لها اكثر من 12 سنه عند اهلي وامي (( عمرها بالستين )) متغيره معنا لها اكثر من 5 سنوات وماترضى بشغالتها ابد وتزعل عشانها وممكن لو بقول ان شغالتك لبست كذا او سوت غلط تزعل لانها ماتصدقنا وممكن تقعد كم يوم ندق ع امنا وماترد تأديب لنا عشان مانتكلم عن شغالتها مره ثانيه تخيلوا بنات في ام تحب شغالتها اكثر من بناتها..!!!
هي سافرت مرتين لاندونيسيا اذا تمت 4 سنوات تسافر وترجع بعد 3 شهور وهالمره رجعت بعد 4 شهور وامي ضاق صدرها وصارت بس محزنه كان ميت لها ابوها ولا امها من شده الحزن مو مجرد شغاله وشرت امي شريحه ورقم خاص لمكالماتها ع شغالتها باندونيسا والشغاله عارفه نقطه ضعف امي وانها تبيها (( للعلم امي باعت بيتها وصارت تصرف فلوس البيت ع الشغاله اثناء سفرها لاندونيسا تكلم عشانها والى الان بعد مارجعت صارت تكلم ديرتها كل 5 دقايق وانتم عارفين المكالمات الدوليه كيف تصرف وكله ع حساب امي من فلوس البيت الي ماجاب بيعه غير 400 الف)) وصارت تجيب كلام كذب لامي وامي تصدقها ع طول بالي تقوله ماتشك مجرد شك انه الشغاله يمكن تلعب عليها طبعا كانت امي بالبدايه تدق تد ق واحيانا الشغاله تسفها ماترد عارفه ان امي
مسيرها ترجع تدق وتلاحقها ومره ردت ع امي وقعدت امي تصيح تقول اشتقت لك يافلانه متى تجين قالت مااقدر اجي ان امي تهاوشت معها واحرقت جوازي ويبيلي فلوس !!! جت امي وارسلت لها فلوس حتى ماسالت امي احد كم يكلف انه الواحد يطلع جواز ع طول صدقتها وارسلت المبلغ المطلوب حتى ماعلمتنا كم ارسلت عشان ماننهبل ونعاتبها وقعدت كم يوم ماكلمت ع امي تطمنها وامي بس تدق تدق همن ردت ع امي وقالت تهاوشت مع امي ورمت مواعيني كلها بالشارع ابي فلوس برضوا ارسلت امي فلوس همن قالت جوالي خربان وارسلت امي فلوس وع هالحال راحت فلوس البيت الي كنا حاطين املنا فيه احنا البنات عشان تشتري لنا امي بيت وتجمعنا فيه لانها حاليا ساكنه بين بيوت اخواني وعارفين انتم كيف معاملة حريم الاخوان ومايلامون ماحد فاضي لاحد المهم ان الشغاله رجعت وبغى يطير عقل امي من الفرحه وطبعا الشغاله صارت تروح كل اسبوع مره او مرتين لسوق شعبي مع امي وامي (( للعلم نظرها جدا جدا ضعيف وممكن لو احد يعطي الشغاله رقم او يسوي لها حركه امي ماتشوف زين مراح تنتبه وبرضوا للعلم امي شديده الالتزام لدرجه انه تمنعنا احنا بناتها من اشياء كثيره من ضمنها البنجابي مع بلوزه طويله تحت الركبه تزعل علينا وممكن ماتكلمنا وممنوع البنت معها جوال قبل الزواج ووممنوع البنجابي ممنوع حتى بعد الزواج تزعل )) وحاطه الشغاله ببوكها صوره لها لابسه قميص نوم احمر وحاطه روج احمر وفاكه شعرها طويل لين نص الفخذ وناعم مره ومبتسمه وجلستها باغراء بالصوره عشان لطلعت البوك تغري الشباب وانتم فاهمين الباقي
وعشان امي ماتشوف زين اخذت الشغاله راحتها بكل شي لدرجه انها مره كانت بتروح مع امي لسوق وطلعت بنت اختي للحوش لقتها قاعده تلبس برمودا احمر طيب ليش برمودا احمر لسوق !!
وقالت لبنت اختي ياويلك اذا علمتي احد عن البرمودا بطقك واذبحك(( بنت اختي عمرها 6)) وطيرت عيونها عشان تخاف البنت اكثر وطبعا اي شي نشوف نعلم امي ولا تصدقنا تقول انتم قلوبكم سود حرام عليكم وش سوت فيكم تحطون فيها شي مو فيها ياويلكم من الله هي ماقصرت معكم صرنا اي شي نشوفه نسكت ونكتم ع الموضوع عارفين انها مراح تصدق وامي دايم تدعي لها من قلب يارب لاتخليني منك يارب لاتحرمني منها يارب وفقها كانها بنتها مع انه احنا بناتها ماتدعي لنا مثل الشغاله والله قهرررررر وتدخل نفسها بكل صغيره وكبيره ولسانها طوويل لدرجه انه لقعدنا انا وخواتي وامي نقول سالفه دخلت نفسها عرض وقعدت تعطينا رايها بالسالفه معتبره نفسها وحده من خواتي ولا من حريم العيال وتجلس معنا احيانا ولاحد يهاوشها ولا احد يقول لها شي خوفا من لسانها الطويل ونخاف تتسلط ع عيالنا ولا تسويلنا ولعيالنا سحر ولا نخاف تشيش امي علينا لانها عارفه غلاها عند امي وامي طبعا تشاروها بكل صغيره وكبيره وتعلمها كل شي بحياتنا وحياة امي الخاصه وتعلمها عن مشاكلنا مع ازواجنا وعن همومنا وبالتفصيل
والمشكله ان امي ع التزامها راضيه ان شغالتها معها 4 جوالات وكلها كميرا ووممنوع احد يعترض بكلمه وحده الي يعترض ماترد عليه امي ولا ع اتصالاته وتزعل زعل كبير اقل شي اسبوع وقد قعدت زعلانه اكثر من شهر نراضي فيها ولا ترضى والشغاله كل مادخلنا المطبخ لقيناها تكلم ا الناس يكلمون كل شهر ع الاقل ذي تكلم كل 5 دقايق ومايندرى مين وعادي عند امي تقول حرام عليكم تتطمن ع عيالها يعني واثقه امي مرره انه مو شباب ابد معتبرتها ملتزمه واحنا اليهود اذا نصحنا بشي واحنا شاكين وخايفين من وين تجيب فلوس المكالمات مو معقول من راتبها احنا خفنا يكون من امي تسرق او من روحاتها لسوق ولا تقولون يابنات حرام عليك لاتظلمينها !! لان في مواقف مااقدر اكتبها تخلينا نثق انها ما تخاف الله ونيتها شينه ولواكتب هالمواقف تقفل موضوعي ولو بكتبها رحمتونا من قلب ع صبرنا عليها طول هالسنين ورحمتوا أمنا بس احتفظ بهالشي ومااكتبه افضل
المهم>>>> كل هذا وماجينا للمصيبه الكبرى

المشكله الكبرى يابنات ان الشغاله جنسيه درجه اولى طبعا عرفنا عن طريق اختي الصغيره بماان الشغاله قديمه واختي كانت صغيره وتعودت الشغاله تجي تسولف ع اختي من قبل والحين اختي متزوجه بدايه حياتها وقبل اسبوع كانت اختي عند اهلي وتكلم زوجها وتهاوشت معه ع خفيف والشغاله مرت من عند اختي وعرفت ان اختي متهاوشه مع زوجها قالت انتم يالسعوديات بنعمه احنا بديرتنا اندونسيا احنا نصرف ع الرجال ونجيب له المهر ونشتري له لبس العرس حقه وانتم يالسعوديات مرتاحات وارجالكم يصرفون عليكم وويجيبون لكم كل شي وانتم ماتسوون شي ومع هذا تهاوشون رجالكم لو انا منكم وعندي زوج سعودي يصرف علي ويشتري لي الي ابي كان قعدت تحت (...) الزوج طبعا قالت كلمه قويه ووسخه ومقرفه جدا واختي من الصدمه ماعرفت ترد انصدمت للعلم هي تعرف تقول عربي واكثر مننا وفرحانه بهالشي وقايله لاختي قبل انا ان شاء الله باتزوج سعودي مابي غير السعودي عندنا باندونيسيا الي يتزوج سعودي تصير زي ملكه وقد قالت لاختي انه مره رحت مع ماما لسوق وشفت رجال سعودي معه زوجته اندونيسيه واني انهبلت وضاق صدري يامدام عشان هي حظها حلو تاخذ سعودي انا شفتها يامدام تمشي بجنب السعودي وماسكه يده فرحانه انه زوجها قالت اختي وش دراك يمكن مواندونيسه قالت لا انا اعرف الاندونيسيين
يعني يابنا ت الحرمه مخططه تاخذ سعودي وناويه تقعد تعمر عندنا وتبلط معندها نيه مثل الشغالات تجمع فلوس وتسافر ذي تخطط ع شي اكبر من الي يفكرون فيه الشغالات
تدرون يابنات انها اذا راحت لسوق تشتري قمصان نوم لشغالات وتصبغ شعر شغاله اختي اشقر فااااتح وتشتري لشغالات جوالات من ورى المدام حقاتهم يعني خربت الشغالات لو القمصان النوم الي تشتريها اذا قربت سفرة شغاله اختي مو مشكله لاكنها تشتريها قبل يسافرون بسنه ولا سنتين من هو له قمصان النوم اجل واذا قلنا لامي قالت حرام عليكم خليهم يستانسون وهذا جزاها تشتري لشغالاتكم وانتم مرتاحين ..!! بس عاد قمصان نوم وجوالات كميرا
والي يقهر بيت اهلي الحين مو نظيف ابد وامي ماتشوف واذا جينا شغالاتنا يقعدون ينظفون مايقصرون تعودا ع وصاختها صار روتين اول مانجي بيت اهلي ينظفون شغالات خواتي ويغسلون الحمامات ماكان في شغاله اندونيسه هي تكون لاهيه بالجوال 24 ساعه مكالمات ومشغله المسجل ع الاغاني بالمطبخ وامي ماتصدق لان المطبخ بعيد وماتسمع الاغاني الله يالدنيا امي مافي بالدنيا احرص منها ع النظافه الحين صارت تتحمل عشان عيون شغالتها ماتبي تنكد عليها وتضيق صدرها اول لجينا بيت اهلي من فرحه امي فينا تبخر البيت باحسن البخور وتلبس امي احسن جلابيه عندها وتمشط شعرها وتتسبح الحين عادي ماتشوف زين والشغاله مخليتها وتسالها امي جلابيتي زينه تقول ايه ماما تلعب عليها والشعر حوسه لجينا واقعد ازين شعر امي واعلمها ان الي عليها مو نظيف وهي واثقه بشغالتها وتنتفخ الشغاله وتنغث لقعدت اعلم امي عن لبسها وشعرها تحس اني ابخرب امي وانها بتفهم ان الشغاله تلعب عليها(( للعلم امي لها فتره تستعمل حبوب نفسيه ))

الحين بقدر المستطاع تشيش امي علينا وتحاول اننا مانجي انا وخواتي اليوم الي بنجتمع فيه تتنكد الشغاله ومن كثر ماتتنكد تشيل امي همنا وتغث امي وتقول الحين يوصخون البيت ياماما الحين يكسرون البزران البيت يووو يامام الله يعينك عليهم متى بيروحون اكيد بيسهرون مع ان امي تكون فرحانه فينا بس مع كلام الشغاله تتنكد ويضيق صدرها وندخل نلقاها مكشره نعرف ان الشغاله مشيشتها
احنا مانسهر عند اهلي كثير عارفين امي ماتحب السهر لو ماجينا الا متاخرين لازم نكلم ع ازواجنا ونروح من اللساعه 1 بالليل واخر مره جت اختي الصغيره بدري وحنا لسى قالت الشغاله الملقوفه متى بيروحون البنات ياماما الله يعينك ياماما متى بيطلعون قالت اختي اكيد بنروح انا وخواتي ع اللساعه 1 قالت يوووو الساعه 1 متاخرين قالت اختي عطله والناس يسهرون مايطلعون الا الفجر انقهرت طبعا
وتحاول تشغل امي وتلهيها عن جمعاتنا ماتبينا نجتمع مع اننا مانشوف امي الا مرتين بالشهر وان كثرت 3 لان امي ماتجلس ببيت اخوي شقيقنا طول وقتها طلعات عشان عيون الشغاله اما اسواق او زيارات لبيوت اقارب امي وتختار البيت ع اساس اذا كان لها شغاله صديقه لها بذاك البيت وتلزم ع امي ولو امي مارضت تزعل وتنطقر ذاك اليوم لين توافق امي وتخلي امي تروح لبيت الاقارب بس تفكر وين تروح هي وامي طول الاسبوع طبعا هي تختار البيت وهي الي تقرر وامي تنفذ
سمعا وطاعه

امي واضح واضح واضح انها مهيب بوعيها ومو طبيعيها واحس انها مسحوووره بس من يفك السحر وكيف نفكه والشغاله موجوده ماسافرت وقد قلت لامي يمه ليش ماتجيبين شيخ يقرا بالبيت عليكم قالت وشوله مهوب لازم يعني انسي
وطبعا بترفض لان المريض مايحس بنفسه انه مريض واخواني مراح يصدقون ان امي تعبانه كلهم كلن لاهي بعياله وحياته ومانمون ع بعض كثير زي الناس
بصراحه نبي امنا نبي نفرح فيها نبي نشبع من حنانها نبي صدرها الدافي الي انحرمنا منه طول هالسنين وامي تعبانه ومو حاسه فينا واخواني لو بنقولهم بيمشون ويخلونا وش نسوي يابنات
ولا نقدر نسفر الشغاله لانها بكفاله امي وامي المسؤاله عنها واي شي يخصها امي تدري عنه مو احنا واخواني مايشجعون وانانيين ماحد عليه الا من نفسه ودي يسفرونها فجأه ويقولون لامي انها انحاشت بصراحه الي خلاها تسوي كذا بأمي صرنا نخاف ع انفسنا وع عيالنا ورجالنا والله يشفي امي وكل مريض يارب ويجمع شملنا يارب يارب يارب اجمع شملنا
بنات تكفون ابيكم تددعون ان الله يكفينا شر الشغاله ويشفي امي ويجمع شملناااااااااااااااا وان الله يقلع الشغاله عننا ويكرها ببيت اهلي وتريحنا عشان ترجع لنا امي

رجاء بدون تجريح فينا الي كافينا حنا بحاجه الدعاء والحل

وجزاكم الله خير

11K

يلزم عليك تسجيل الدخول أولًا لكتابة تعليق.

تسجيل دخول

كوب كابتشينو • 14 سنة

الله يعينهم

$حياة الروح$ • 14 سنة

لاحول ولا قوه الا بالله
الله ينصركم عليها ويرد كيدها الى نحرها
ياختي كلمو الشيخ المقبل اللي يفك السحر وقولو له القصه كاااامله وخلي احسن واحد من اخوانك واطيبهم يتعاون معكم\
يارب تشفي اميمتهم من السحر
والله هالشغالات يقهروووون ومافيه رادع

بنت تبوك2009 • 14 سنة

ياربي رحمتك الله يكافيكم شررها اكيد امك مو طبيعية يبي لها شيخ وقرايه

الاستغفار والصدقة والرقية وسورة البقرة يوميا بالبيت

ربي يخلي لكم امكم ويبعد عنكم هالنووعية

رعشة اهداب • 14 سنة

ليه تجريح بالعكس

الله يجزاك كل خير خوفك على امك

مع هالخدامه اه لو انها بيدي فرمته فررررررررم

اسمعي من غير نقاش

كلمي الهيئه وعلميهم والله من جد

قولي كل اللي كتبتيه كلمي مدير الهيئه الراس الكبيره

وحاووووولي باسرع وقت وهم راح ينصحونك للافضل

ويمكن يدبرون لها كمين على دعارتها هالكلبه ومنها يجي شيخ مخصوص من عندهم ويقراء على امك

وهي تكون ممسوكه قبل لاتهرب

وواجعتي قلبي يوم قلتي امك تستخدم العلاج النفسي

لان المسحور من كثر التعب ياكل حبوب نفسيه \\

يااختي لاتسكتيييييييييييييييييييييييييييييييييييين كلمي الهيئه تكفين فيه ارقام لهم دوريها بقوقل و905 مايقصر

ترااااااااه امك يالغاليه والكلبات والاندونييات لعبو فيها ياقلبي قلبها

وانتبهي لاتحس فيك تروح تسوي لك سحر
واااااااااااااااااضح انها ساحرتن امك الله ينحرها نحر هالخدامه

كالنخلة شامخة • 14 سنة

طيب رجالكم مايقدرون يتصرفون أحيانا زوج البنت أحسن من الأخ
الله يعينكم ويفرجها عليكم ويشفي امكم ويعافيها وكل مسلم وينتقم من هالسحره حسبنا الله ونعم الوكيل ..