وش الحل مع عمتي وبنتها

سلام عليكم
يبنات مشكلتي ممكن تكون عاديه بس بصراحه اول مشكله لي مع عمتي
انا متزوجه ولد عمي
وعمتي عايشه عند بنتها الكبيره وفي العيد حق رمضان طلعنا وصار عيد وزواج حق بنت ولدها الكبير وبنتها الثانيه وطبعا كلهم في نفس اليوم وكل وحده في مكان
وانقسموا العيله لنصفين لحظور الزواج وحظرنا بس بنتها في الزواج طاحت وانكسرت يدها وهنا صارت المشكله امي كانت حاظرة الزواج وقالت لها سلامتك وشفيك لافه ايدك بشاش قالت طحت في البيت وانكسرت ايدي وعشان ايام عيد المستشفى مافيه قالوا لها تعالي بعدين ولفوا لها شاش ورجعت البيت ولما كلمت امي بعد الزواج اسالها عن الي صار بالزواج وعن العروس
قالت لي عن بنت عمي انها انكسرت ايدها بس لاتقولين لامها عشان ماتطيح عليكم
عشان عمتي عندها سكر ومكسره يعني لازم احد يشيلها وهي دايم على كرسي متحرك قالت امي لازم تشوفون لكم حل خلي رجالك يقول لاخوانه وتجيبون لها شغاله لين تصير بنتها بخير طبعا انا قلت لزوجي وقال لخوانه بعدين قالوا لا واحد ياخذها الحين وبعدين ياخذه واحد ثانيني بعد فتره حددوها وجابوا امهم عشان يقولون لها ماتروح عند بنتها وانهم عيالها واولى فيها بس كان الاتفاق تروح معنا اول وهني صارت حرب عند الاخوان قالوا احنا مو موافقين وشلون نخلي امنا تروح مع زوجتك وهي كانت ترمي الاكل عليها وتشوته برجولها قال زوجتي قالوا ايه قال من قال الكلام هذا قالو امنا جابوا وسالوها قالت كذب ماقلته وبعد اصرار من زوجي لانه عارف وشلون كنت اعامله لانه كان دايم عندنا في البيت قالت امه انا بصراحه كذبت وادعيت على زوجتك قالها ليش يمه قالت بس عشان مابي اجلس عندكم قال احل تتهمينها باطل قالت وش اسوي قلت هذا الكلام وخلاص انا مادريت عن كلامها هذا الا قبل ماتروح من عندي اخر مرة باسبوع ومعاملتي لها ماتغيرت ولازعلتها ولا قلت لها والي قالي الكلام زوجة ولد عمي الاوسط قالت انتي بعد مادريتي وش قالت عنك لانها كانت زعلانه تبي تروح عند بناتها وزوجي كان رافض وها دقت بنتها بعد ماسفرنا بيومين قالت وين امي عطوني اكلمها وطبعا دقت على جوالي وبما ان امها ماتسمع زين فتحت لها المكبر وياليت مافتحته قالت اني وش قالت لك ام فراس وامها الكذابات جالست يكذبن علي المهم قالت كلام كثير وسب قالت انا عارفه انها عندك وتسمعني قولي وش قالو لك عني لاتخافين منها ماتقدر تسوي لك شي تعنيني انا تفكرني جالسه اهدد امها اذا تكلمت باسوي فيها شي
زوجي ماتحمل كلام اخت واخذ التلفون وزفها ذيك الزفه لانها تكلمت عليه بعد
المهم بعد اسبوع دقت مره ثانيه وقالت انتي ارسلتي فيروس لجهاز بنتي وحرقتي جوالها انا ارسلت لها ولخواتها في نفس اليوم رسايل جوال ومادري وش صار واتهمتني فيه وكانت مصره ان انا الي مخربه الجوال ومن بعدها لاكلمتها ولاكلمتني وامها طلعت عندها وهي بعد مجلست عندنا شهر وانا قطعت اتصالتي بها وبامها وخصوصا ان امها يعني مقالت له عيب يابنتي ماصير هذي الي تتكلمين عنها عنتك
او اي شي بس جلست ساكته وتسمع في الكلام وتقول لاتزعلون منها
وبعد ماراحت عمتي من عندنا دقت علي وقالت ليش ماتكلميني زعانه على بنتي انتي ورجالك قلت لا ابد مانحن زعلانين بس مشغولين وبعدين مسحت ارقامهم من جوالي وغير رقم جوالي لين الحين كل شي ماشي على حاله كل واحد في ديرته وبعيد ومايكلم الثاني بس المشكله في الصيفيه بنطلع وزوجي بيقولي لازم نروح نسلم على امي وتروحين معي عشان تشوف العيال وهي عند بنتها الكبيره قولوا لي وش اسوي
ابي اعرف وش اقول قبيل لا اطيح في الموقف واتورط وبدل مايكون الحق لي يكون علي معليش طولت عليكم بالقصه بس حكيتها بتفصيل عشان تعرفون وشلون تنصحوني
الله يخليكم ويجزاها خير الي تساعدني