وش الحل مع مشاكل اختي

السلام عليكم


بنات انا عندي أخت أكبر مني ب 7 سنوات طبعها غريب صراحه


تحب المشاكل بشكل غريب مثلا بنطلع مكان لازم تعكر علينا الطلعه


ماتحترم امي إلا إذا كانت متهاوشه معنا تحاول تكسب امي


أحيان احسهأ تعارض خواتي الكبار وتحاول تفشلهم وأنها هي الفاهمه


وهم لا صحيح خواتي كبار ب عمارهم بس هذا اللي ربي عطاهم


تجلس معانا بس لازم تفشل أحد من خواتي وهي قريبه لي وتفضفض لي كثير وترتاح لي


بس صرت اكرهه حركاتها تحب تبرز نفسها بكل مكان


ودايم حاطه ذوقها غير وأنها مميزه وعصبية كثير وأنه كلمتها ماتنزل الأرض


حتي اخوي تتهاوش معاه وربي وربي مافيه طلعه أو اذا سافرنا مكان إلا تعكر علينا جونا


أو تتهاوش مع أحد ماااااااااادري وش وضعها على أنها حنونه بس اذا زعلت خلاص تكسر الدنيا


ألاحظ على امي وخواتي يخافون منها مستحيل يصير تغيير في البيت إلا بشورها


من بعد وفاة أبوي وهي تحاول تسيطر على البيت وواذا طلعت م تقول لأمي وين تطلع


معتبره نفسها كبيره وماحد له كلمه عليها


المهم انا انخطبت قبلها في البدايه عادي م قالت شي وحتي سألتها اذا موافقتي تضايقك أو لا


قالت لا عادي ووافقت بعدها لو تصير اي مشكله لازم تجيب سيرة أهل خطيبي باتفهه سبب


أو تعلق على شكل خطيبي على أنه جميل أو تستهزاء يعني تققققهرني بس اسكت


آخر مشكله صارت انه حنا نبي نطلع وقالت مابي اطلع معاكم وكذا تسب وتشتم وامي ماتبي تخليها في البيت خايفه عليها وصرنا نأجل الطلعه لين توافق يعني مواقفها كثير ومشاكلها أكثر


والله تعبنا كل خواتي احسن منها مايحبون المشاكل ولا وجع الرأس


أحيان احسهأ تاقف معاي بمواقف فزعه بس بعدين تتغير وتقلب وتجيب الدنيا على راسك حتي تستهزاء وتقول مستحيل اتزوج تقليدي زيكم تقصدني انا وخواتي وتحاول تصير فري مثلا تغطية الوجهه تقول مو لازم نتغطى وغير كذا تدخن وتعرفت على صديقه جديده وتشيش معاهم وتقول جوهم روعه وانا ادري انه اختي ماهي منحرفه بس تفكيرها غبى مره تلتزم وتصير مطوعه هذا بعد وفاة ابوي وبعدها صارت فررررري
والله كثير استغرب من تفكيرها الحين من كثر مشاكلها ماتكلم معاها على أنه بس انا وهي في البيت


مادري كيف أتصرف معها اذا عارضتها أو حاولت انصحها تستخف بتفكيري وإني معقده وبدويه وهمجيه


وربي أكررررررههااا عمري 26 عمرها 32


ومن زمان هذا تفكيرها لا حد يقولي عشان زواجي قبلها اصلا ماوافقت إلا عشان افتك من المشاكل