وش الحل مع هالانسان

سلام ي الغاليات انا انخطبت قبل سنتين والحين ملكت وطبعا في تواصل بيني وبينه طول هالسنتين بس فيه غصة بقلبي ودي افضفض لكم عنها ي بنات من يوم عرفته وهو كذااحيانا احسه يحبني ويموت فيني واحيانا احس مالي مكان بقلبه واكبر دليل ان اصحابه هم اولويته الاولى بحياته يعني تخيلو طول اليوم معهم ولا يفتكرني الا قبل ما ينام او اول ما يصحى او اذا كان زهقان ومالقى احد بس لما يكون مع اصحابه ينساني وجواله ما يلتفت له ابد ركزرو حتى سؤال مايسألالموضوع هذا مضايقني وسبق وكلمته بس المشكلة انه يقلب الطاوله علي عشان ما يطلع غلطان ويحسسني اني ابالغ وهو يدري بقرارة نفسه انه مقصر والله ي بنات اني ماني لزقة ولا اغثه وهو اللي يدق علي دائما وانا معطيته مساحته الكاملة بس الموضوع زاد عن حده لدرجة يمر يوم يومين  ما يكلمني الا وقت النوم ولا يسال عن احوالي ولا يقول وشلونك وعلى طول يقول يلا ننام بالله عليكم ي بنات هذي تصرفات انسان يحب المهم  انا وش سويت قبل فترة طنشته يومين وما رديت عليه وهو حرق جوالي اتصالات ويسأل وينك ولما قلت له عندي اولويات لافضيت كلمتك جن جنونه والمضحك بالموضوع انه اذا قلت له صديقتي تدق علي يقول طنشيها هذي فاضية بس هو لو يدق عليه واحد من اصحابه يفز له وينسى الدنيا كلها شفتو الغبنة والوجع اللي احس فيهالحين انا مطنشته لي ثلاثة ايام وتدرون وش قاعد يرسل يقول مصدوم فيك ومن تصرفاتك والله يعينني عليك ويسألني بكل برود بتغيرين من نفسك ولالا شين وقوي عين الحين هذا صاحي ولا وش يحس فيه انا والله تعبت واحترت ومعد لي خلق لشيء معه لاني ما احس اني مهمة عنده الا وقت فراغه وحاجته ولو يكون طفشان واصحابه مشغولين يحرق جوالي اتصالات بس عشان يقضي وقته معي شورو علي  هل اكمل تطنيش وكيف احل المشكلة هذي لاني مو مرتاحة ابد ودايما نرجع لنفس الدوامة انا ما عندي مشكلة يروح ويطلع بس ماتوصل انه يهمشني يوم كامل او يومين وبس يكلمني عشان يقول يلا ننام محسسني اني مجرد وسيلة لتضييع الوقت والفراغ وبس