تتغنج قدامه بكلامها وبمشيتها!
وين زوجها مايوديها ويجيبها؟

فيه عينات كذى وقصص ألعن من كذى
لزوجات الأخوان الله لايبلانا

خليك حازمه معها وقويه
لاتجي معكم أبد
ولو ربي بلاك وركبت معكم وقامت تتمايع
أعطيها بوجهها
ليش تسكتين وتخلينها تهمشك وتستغفلك!

قولي وشفيك يافلانه تتكلمين كذى؟
ليش صوتك تغير؟
قولي اكربي حنك الملتوي
قولي جاني غثيان من مياعتك
قولي استحي يامره
خليها مزح برزح.  المهم لاتسكتين
عشلن لووو عادتها تعرف بتلقا رد
ممكن تعلمين أخواتك وتخلينهم
في الجمعات يذبون عليها
افضحيهاااااا

وحده أعرفها كذى
زوجة اخو زوجها مهو تتفنج بس
إلاّ تتعمد تطلع قدامه بملابس عاريه
سكتت مره مرتين ثم حشرتها حشرة قطو
تكلمت في وجهها بحضور زوجة الأخ الثالث
كلام قوي لين ذيك لزمت حدها.

يعني مدري أنا وش يبون هذي النوعيات؟؟؟
تبي تطلق أخوه وتتزوجه طبعا لا!
تبي الحرام؟ تبي إيش بالضبط!؟؟

ليه تدخلينهم حياتك من البدايه حطي حدود