وش الحل مع هذي النوعية من الرجال 🤐

السلام عليكم ورحمة الله وبركاته
كيفكم بنات

احتاج مشورة من الزوجات الخبرة ببعض انواع الازواج الغثيث 😢🤐

الله يعين عليهم هذولا الرجال

انا متزوجة لي ست سنوات وعندي طفلين
طبعا الاول ابوه سماه ووافقت اعجبني الاسم
والثانية انا اقترحت حول عشرين اسم لين اعجبه حضرت جنابه اسم وماكان من الاسماء المحببة لقلبي بس مقبول نوعا ماا

طبعا وش مشكلتي مو بالاسم لا لا

هو مايبغاني اتدخل في اي شي كل ماجيت اعطي رايي بموضوع يخصنا لا ماراح اسوي الي في راسي ومدري وش وكلام يغثني

يعني اذا جا مثلا يتكلم في بيت العمر بسوي كذا وكذا اجي انا اشارك الراي اقول سوي كذا كذا مثلا لازم نحط غرفة غسيل مستودع زي كذا نحتاج كذا لااا مابسوي لا راسي وبسوي وبسوي وباسلوب تحدي


يعني بالعربي الفصيح مالك شغل بالبيت والتصميم وكل شي !!!!!!!!


اخر شي قلت والله اذا انفتح هالموضوع اني ماعاد اتدخل نهائياا لسلامة صدري من الضيقة بيته وبيكيفه ان شاء الله يسوي عشة وش عليا انا احرق في دمي واعصابي في شي اصلا ماصار ويمكن مايصير

وقعد فترة فتح الموضوع تصميم المنزل وقلت له انا مالي شغل مررررررااا بيتك وانت حر زين الي تبي
رد عليا ايوووااااا هذا الكلام الصحيح ومذري وش يقول عجبه ردي طيب ليه تجي تسولف عليا وانت ماتبي رايي !!!!!!

قبل فترة حطينا فينيل في البيت وقال يلا نروح السوق واجي اختار لون غامق ورفض لا وزي كذا ع هالموال
ماخذ الموضوع تحدي وعناد



حاليا انا حامل بالطفل الثالث وعرفت الجنس بس ماعلمته ولاراح اعلمه 🌸💕

مابي وجع راسي بالاسماء اذا ولدت لكل حادث حديث
خلاص اهم شي صحتي وسلامتي والباقي ملحوق عليه
لاني للامانه مابي اناقش واحرق في اعصابي


اليوم جالسين نتقهوا وجات بنتي تلعب مع ابوها وقال والله المفروض اسمك فلانه ( باسم اخته ) لانك نسختها ولو ادري انو شكلك بيطلع زيها كان سميتك

قلت سلامات الاسم قدددددييم جدا ولايعجبني واللي تعبت وشافت الموت مالها راي بهذا الموضوع

قال باسلوب سخرية اجل نسميها فلانه ( اسم اختي انا )
قالت لا والله ولا باسم فلانه اسمي اسم جديد لايق ع جيلها

وقام يقول والله مايسمي الا انا وانو لاتجلس تتحدين وانو الاسم من حق الاب وكلام زي وجهه


طالعت فيه باستحقار قلت عادي سمي بالاحوال اللي يعجبك وانا بنادي الطفل بالاسم الي يعجبني ماراح تجبرني ع اسم مابيه

وكنت مييته قهررر يعني فوق اوجاع الحمل اسلوبه الخايس بس مسكت نفسي وهو قام يغني بكل برود ولا عباله


قهرررررني مرا


وش الحل مع هالاسلوبطبعا والله لي فترة ماتناقش ولا اسولف ولاشي كرهني اسلوبه. كذا يبغا يمسح شخصيتي ومايبي لا رايي مو بس بالبيت والاسماء حتى السفر كل شي كل شي بس انا ذكرت مثالييين



اتوقع شخصيته شمالي شرقي لانه عصبي وحار ويحب عياله مرااا لكن في حركات تقهر



وشلون اتمسك بالاسم لاني ماراح افتح الموضوع معه الا بعد ولادتي راح اقول الجنس مو مبين ومدري لين اولد اذا ولدت باحط الاسما الي ابيها في كذا اسم يختار لكن بنفس الوقت مابي وجع راس ومشاكل ونفاس الله يعين بس 😢😢😢