وش الحل مع هرووووب زوجي ابغى نصيحه

الأسرة والمجتمع

السلام عليكم
اغيب وارجع لهذا المنتدى مقدر استغني عنه
ولاعن مشورة البنات
المهم يابنات اني ابغى نصيحه منكم والتصرف الصح وربي ماني عارفه وش الحل
المرضوع ومافيه ان زوجي كان بيتوتي ويحب يجلس معاي ويسهر ماقول انه مايخرج بس قليل مره ويهتم فينا
الحين يطلع يوميا والله ماكذبت ولا بالغت يوميا بس وقته نومه واكله عندنا عشان ما اظلمه
الحال انقلب من سنه بعد مااستاجرو استراحه والناس اللي معاه كويسين وماني شاكه من هالناحيه ابدا
بس االرجال عنده هروب مني ومن اطفالي بشكل يقهر
اتشيك واستناه واسوي الغرفه واستناه وهو ابدا تطنيش واذا كلمته يقلب كل شي فوق راسي ويقولي تبغيني بس اقابلك والله ماكان كذا
يقول انا ماقصرت معاكم فشي
بس الحياه عنده اكل وتوفير الاساسيات
واحنا محتاجينه
والله يابنات مدري اش فيني ابغى احس بحبه واهتمامه فيني قبل يومين صارحته وزعل وعصب يعني مايتقبل مني شي والكلمتين اللي قلتها ابغاك تجلس معي حبيبي وتحس وتهتم فينا وتحسسني بحبك ثار وعصب ويقول عمري اصلا ماشفت منك شي وساكت عليك ولا ابغى اجلس معاك الجلسه بالقوه
والله انه جرحني وهز كل شي فيني يابنات انا احاول قد ماقدر اسعده وهو جاحد مايبين شي بعينه كل مازعل قال ماشفت منك شي اقطع عمري يعني والله ماقصرت
المشكله هذي الايام كني مراهقه ابغى احس الحب وبس والله حالي يصعب ع الكافر وله يومين مايكلمني
ياناس حلالي وطلبت منه كلام زين فيها شي وش اللي يزعل فيها بس هو مايفهم
هو صراحه طيب بس ما احس معاه بالراحه والامان
بس طالع طالع مالنا اي وجود فحياته
وطبعا قال عناد فيك بطلع كل يوم
وش اسوي له مره مستصغرني ومتخسر الجلسه معي يقول اجلس عندك وش اسوي
وش الحل معاه الى متى بعاني منه
اللهم لا اسالك الا رضاااااااااك
42
8K

يلزم عليك تسجيل الدخول أولًا لكتابة تعليق.

تسجيل دخول

صديقه عيوش
صديقه عيوش
الله يسعدكم اللي تدخل الموضوع ترد علي
الثريا 1199
الثريا 1199
شوفي الحين بتصير الدعوه عناد عنده لاعاد تفتحين معه هالموضوع حاولي تشغلي نفسك بشي ثاني
وتمر علي مثل ظروفك بالظبط وزوجي عنده استراحه هو واخوياه ويصير نفس زوجك ينهبل مايجلس بالبيت وانا اطنننننننش صح اني اطفش وازهق بس اظغط على نفسي ويجي هو بعدها يدورني وينادي علي وتعالي وسولفي لي ومحتاج لك
حاولي ماتضغطين عليه خليها من نفسه يدور عليك لاتخلينه كل مارفع راسه لقاك بوجهه اطبخي نظفي بيتك البسي لنفسك ولا عليك منه
بيطخ ويرجع يدور عليك
اطفالي كل دنيتي
اطفالي كل دنيتي
طيب جربي تطنشيه وماتعتبريه موجود فقط قومي بواجبات البيت وهو اتركيه ولا تكلميه كثير وهو بيحس بنقص وان شاء الله بيغير من نفسه
عين جارية
عين جارية

الله يفرج همك ويرده لك عاجلا غير اجل اصعب شي الاهمال ينخر في القلب نخر وربي
جليكوز
جليكوز
فعلا الرجال يحبون الحرمة المستقله حاولي تدورين لك اي موهبة عندك وانشغلي فيها وخليه يعرف عنها انك انشغلتي شئ حلو غير الطبخ وشغل البيت
قدري موقفه لو انت بمكانه وعندك صاحبات اكيد بتروحين تستانسين معهم
عاد كيف الرجال
يعني الفتي انتباهه بشئ جديد دوري بحياتك اكيد بتلقين