0الله يصلح حالي وحالك الى مايحب ويرضى

شوفي ياحلوه يا إنك حساسه بزياده ويكون إسلوبهم كذا حتى مع بعض .... أو إنك غلطانه ومزعلتهم في شي راجعي نفسك مو معقول كلهم عليك دون سبب

أول شيء اختي .. زوجك لا يعرف بشيء .. لا عن شعورك تجاههم ولا عن طريقة تعاملهم معك .. بالعكس حسسيه انك شيء عندهم ..

ثانيا .. زياراتك مو كثيرة لهم .. فلا تقللينها لأن امك وابوة لهم حق عليك وضروري تروحين لهم ..

ثالثا : أحس فيه شيء ناقص !! يعني معقول كلهم يعاملونك بس أنت بهالطريقة ؟! وإلا هذا طبعهم مع الجميع !!
اذا معك أنت بس .. فإبحثي في نفسك .. ادرسي نفسك زييين أكيد فيه شيء في شخصيتك يخليهم يحقرونك بهالشكل ..
شوفي .. فيه ناس ما تحترم الساذج مطلقا وتهينه ولا تراعي مشاعره ..
مهما كان طيب معهم أو خدوم .. لكن نظرتهم للساذج تظل دونية مهما سوى وأنا أقول الساذج مو الطيب لأن فيه بينهم فرق ..
ويمكن أنت اذا اخوانك قلوا أدبهم معك تفوتينها لهم وترجعين معهم كأن ما صار شيء .. وهذا يخليهم يتمادون معك ..
ضروري تتخذين موقف معهم ..مو بالهواش والصراخ ..
اذا ما قدرتي تقولين لهم في وقتها وبحزم ( عيــب ، احترمي نفسك ) فعلى الأقل اظهري تضايقك من هالشيء وصدي عنهم وقتها ..
ثم تجاهليهم بعدها إلا من السلام ورده .. لكن سواليف أو ضحك ومزح أو أخذ وعطى بالحكي لا ..
الى ان يحسنوا اسلوبهم معك .

ما أدري بالضبط أنت أعرف بنفسك وشخصيتك وبالصفة اللي تخلي غيرك يعاملونك بهالطريقة ..
لكني تكلمت عن السذاجة لأنها منتشرة و لاحظت كثير من السذج يعاملون بهالطريقة رغم طيبتهم المتناهية وتسامحهم ..
لكن للأسف الناس غالبا ما تحترم الساذج وتعامله على انه ولا شيء ..

غير كذا حاولي تتعرفين على شخصياتهم .. ولاحظي كيف يعاملون الناس .. وأي الشخصيات تلاحظينهم يحترمونها ؟
كثير ناس تحترم الشخص الغامض .. ما يدرون وش يفكر فيه بالضبط ..ولا وش عنده أو ما عنده ..
أنا متأكدة انك اذا عرفتي اسلوبهم وشخصياتهم ونفسك زين .. بتعرفين تتعاملين معهم بالطريقة اللي تناسبهم وبالتالي تجبرينهم بدون ما يحسون على احترامهم لك ..


أرجع أقول راجعي شخصيتك في البداية ..
مو لأني أتهمك انك على خطأ وهم على صواب لا ..

لكن لأنك ما تقدرين تفرضين على غيرك طريقة تعامله معك إلا اذا بدأت بنفسك وغيرتي طريقة تعاملك معه .

الله يفرج همك ويرد لك زوجك بالسلامه يارب

اهلك اهم شي فيهم امك وابوك

اخوانك ..

صارحيهم وقولي لهم انك متضايقه من تصرفاتهم يمكن يحسون ويستحون على دمهم

يمكن يشوفونك انك ضعيفه ويتقون عليك لانك تسكتين عليهم ما تردين

انتي اخذي بحقك بس باحترام مو كلام وسخ مثل اختك خليهم يحترمونك

والله هذا الزمن زمن عجايب ... وعلى فكره اذا قاطعتيهم ما راح ترتاحين صدقيني